മരിച്ച് അടക്കം ചെയ്തയാള് എഴാം നാള് മരണാനന്തര ചടങ്ങിനിടെ തിരിച്ചെത്തി
കൊച്ചി: മരിച്ച് അടക്കം ചെയ്തയാള് ഒരാഴ്ച്ചക്ക് ശേഷം തിരിച്ചുവന്നു. ആലുവ ചുണങ്ങം വേലിയിലെ ആന്റണി ഔപ്പാടനാണ് ഏഴാംനാള് സെമിത്തേരിയില് മരണാനന്തര ചടങ്ങുകള് നടക്കുന്നതിനിടെ ഇതൊന്നുമറിയാതെ നാട്ടിലെത്തിയത്. അതേസമയം, സംഭവത്തില് പ്രതികരണവുമായി പൊലീസ് രംഗത്തെത്തി. ബന്ധുക്കള് ആള് മാറി അടക്കം ചെയ്തതായി പൊലീസ് പറയുന്നു. ആന്റണി തിരിച്ചെത്തിയതോടെ പള്ളിയില് അടക്കം ചെയ്ത മൃതദേഹം പുറത്തെടുത്ത് മോര്ച്ചറിയിലേക്ക് മാറ്റുമെന്നും പൊലീസ് അറിയിച്ചു.
ആന്റണി ബസിറങ്ങുന്നത് കണ്ട അയല്ക്കാരനും ആന്റണിയുടെ ശവസംസ്കാര ചടങ്ങുകളില് സജീവമായി പങ്കെടുത്ത സുബ്രമണ്യന് ആദ്യം ഒന്നമ്പരന്നെങ്കിലും ഉടന് ബന്ധുക്കളെ വിളിച്ച് ഉറപ്പ് വരുത്തി. നാട്ടിലെത്തിയപ്പോഴാണ് താന് മരിച്ചെന്നും ഇന്ന് തന്റെ മരണാനന്തര ചടങ്ങിന്റെ ഏഴാമത്തെ ദിവസവും ആണെന്ന് ആന്റണി അറിഞ്ഞത്.
ഓഗസ്റ്റ് പതിനാലിനാണ് ആന്റണി മരിച്ചതായി ബന്ധുക്കള് സ്ഥിരീകരിച്ചത്....