പാലൂർക്കോട്ട വെള്ളച്ചാട്ടം കാണാനെത്തിയ യുവാവ് താഴേക്ക് വീണ് മരിച്ചു; മകൻ ഉൾപ്പെടെ 2 പേർക്ക് പരിക്ക്
പെരിന്തൽമണ്ണ : കൊളത്തൂർ പാലൂർക്കോട്ട വെള്ളച്ചാട്ടം കാണാനെത്തിയ മൂന്നംഗ സംഘം അപകടത്തിൽ പെട്ടു യുവാവ് മരിച്ചു. മകൻ ഉൾപ്പെടെ 2 പേർക്ക് പരിക്കേറ്റു. വഴുതലുള്ള പാറയിൽ നിന്ന് താഴേക്ക് വീണാണ് അപകടം. വെങ്ങാട് നായരുപടി മൂത്തേടത്ത് മുഹമ്മദലിയുടെ മകൻ ശിഹാബുദ്ദീൻ (45) ആണു മരിച്ചത്. കാടാമ്പുഴയിലെ സ്വകാര്യ വ്യാപാര സ്‌ഥാപനത്തിലെ ജോലിക്കാരനായിരുണ്. അപകട ത്തിൽ തലയ്ക്കു ഗുരുതര പരുക്കേറ്റ മകൻ ശഹ്സൈബിനെ (7) കിംസ് അൽ ശിഫ ആശുപത്രിയിലും കൂടെ വീണ പഴമള്ളൂർ സ്വദേശി പഴയിടത്ത് സുഹൈലിനെ (24) ഇഎംഎസ് സഹകരണ ആശുപ്രതിയിലും പ്രവേശിപ്പിച്ചു.
ഇന്നലെ വൈകിട്ട് നാലോടെ ആയിരുന്നു അപകടം. മകനും മറ്റൊരു ബന്ധുവിനും ഒപ്പമാണു ശിഹാബുദ്ദീൻ വെള്ളച്ചാട്ടം കാണാനെത്തിയത്. സാധാരണ കുളിക്കാറുള്ള സ്ഥലത്തു നിന്നു കൂടുതൽ മുകളിലേക്ക് കയറാനുള്ള ശ്രമമാണ് അപകടത്തിനിടയാക്കിയത്. മകൻ വീണതോടെ പരിഭ്രമിച്ച ശിഹാബുദ്ദീനും തൊട്ടു പിന്നിലുണ്ടായിരുന്ന സുഹൈലും...
