ഐക്കരപ്പടിയിൽ ബസിടിച്ച് ബൈക്ക് യാത്രക്കാരൻ മരിച്ചു
കൊണ്ടോട്ടി: ഐക്കരപ്പടിയിൽ സ്വകാര്യ ബസും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു. മലപ്പുറം പാങ്ങ് സ്വദേശി ചുണ്ടയിൽ കീഴു വീട്ടിൽ സി കെ നാരായണൻ്റെ മകൻ CK ഉണ്ണികൃഷ്ണൻ (32) ആണ് അപകടത്തിൽ മരണപ്പെട്ടത്.'കുരിക്കൾ' ഗ്രൂപ്പിന്റെ മഞ്ചേരി സർവീസ് നടത്തുന്ന സ്വകാര്യ ബസാണ് അപകടത്തിൽപ്പെട്ടത്. ഐക്കരപ്പടിയിൽ വെച്ച് ബസും ഉണ്ണികൃഷ്ണൻ സഞ്ചരിച്ചിരുന്ന ബൈക്കും തമ്മിൽ ശക്തമായി കൂട്ടിയിടിക്കുകയായിരുന്നു. അപകടത്തിന്റെ ആഘാതത്തിൽ ബൈക്ക് ബസിന്റെ മുൻഭാഗത്തിനടിയിലേക്ക് ഉൾപ്പെട്ട നിലയിലായിരുന്നു.അപകടം നടന്ന ഉടൻ തന്നെ നാട്ടുകാരും രക്ഷാപ്രവർത്തകരും ചേർന്ന് ഇദ്ദേഹത്തെ ആശുപത്രിയിൽ എത്തിക്കാൻ ശ്രമിച്ചുവെങ്കിലും ജീവൻ രക്ഷിക്കാനായില്ല. അപകടത്തെ തുടർന്ന് റോഡിൽ അൽപ്പസമയം ഗതാഗത തടസ്സവുമുണ്ടായി. പോലീസ് സ്ഥലത്തെത്തി മേൽനടപടികൾ സ്വീകരിച്ചു വരുന്നു....
