തിരൂരങ്ങാടി: ചെറുമുക്ക് ജീലാനി നഗറിൽ തെരുവ് നായയുടെ അക്രമത്തിൽ നിന്ന് രക്ഷപ്പെടാനുള്ള ശ്രമത്തിനിടെ യുവതിക്ക് വീണു പരിക്കേറ്റു. ഇന്ന് രാവിലെയാണ് സംഭവം. കുട്ടിയെ മദ്‌റസയിൽ കൊണ്ടാക്കിയ ശേഷം തിരിച്ചു വരുമ്പോഴാണ് സംഭവം. തെക്കുഞ്ചേരി ജാഫറിന്റെ ഭാര്യ ശബ്ന (22) ആണ് പരിക്കേറ്റത്. അഞ്ചോളം നായ്ക്കൾ പിന്നാലെ ഓടിയപ്പോൾ രക്ഷപ്പെടാൻ മതിൽ എടുത്തു ചാടുകയായിരുന്നത്രെ. ഇതിനിടയിൽ വീണ് കയ്യിന് പരിക്കേറ്റു. വെന്നിയുർ ആശുപത്രിയിൽ ചികിത്സ നൽകി.