തിരൂരങ്ങാടി : മഴ നനയാതിരിക്കാൻ നിർമാണം നടക്കുന്ന കെട്ടിടത്തിൽ കയറിയ യുവാവ് കാറ്റിൽ കെട്ടിടത്തിൽ നിന്ന് കല്ല് ദേഹത്ത് വീണ് മരിച്ചു. കൊടിഞ്ഞി തിരുത്തി സ്വദേശി തലക്കോട്ട് തൊടിക സുലൈമാന്റെ മകൻ സൽമാൻ ഫാരിസാണ് (27) മരിച്ചത്. ഇന്ന് പുലർച്ചെയാണ് അപകടം.
യുഎഇയിലെ റാസൽഖൈമയിൽ ശക്തമായ കാറ്റിൽ കെട്ടിടത്തിൽ നിന്ന് കല്ല് ദേഹത്ത് പതിച്ച് ആണ് മരണം. മഴ നനയാതിരിക്കാൻ നിർമാണം നടക്കുന്ന കെട്ടിടത്തിൽ അഭയം തേടിയതായിരുന്നു. മാതാവ് അസ്മാബി..
ഷവർമ കടയിലെ ജീവനക്കാരനായിരുന്നു.
ഇന്നലെ വൈകുന്നേരം മുതൽ റാസൽഖൈമയിലെങ്ങും കനത്ത കാറ്റും മഴയുമാണ് അനുഭപ്പെടുന്നത്. കാറ്റിൽ വ്യാപകനാശം റിപ്പോർട്ട് ചെയ്യപ്പെട്ടിട്ടുണ്ട്.