തിരൂരങ്ങാടി : ഒക്ടോബര്‍ 31 ഇന്ദിരാ ഗാന്ധിയുടെ 39-ാം രക്തസാക്ഷിത്വ ദിനത്തില്‍ അബ്ദുറഹിമാന്‍ നഗര്‍ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ കൊളപ്പുറം ടൗണില്‍ അനുസ്മരണ സദസും പുഷ്പാര്‍ച്ചനയും സംഘടിപ്പിച്ചു. മണ്ഡലം കോണ്‍ഗ്രസ് പ്രസിഡന്റ് ഹംസ തെങ്ങിലാന്‍ അധ്യക്ഷത വഹിച്ചു. കെ പി സി സി മൈനോറിറ്റി ഡിപ്പാര്‍ട്ട്‌മെന്റ് സംസ്ഥാന സെക്രട്ടറി കെ സി അബ്ദുറഹിമാന്‍ അനുസ്മരണ പ്രഭാഷണം നടത്തി.
മണ്ഡലം വൈസ് പ്രസിഡന്റ് പി സി ഹുസൈന്‍ ഹാജി, കെ പി സി സി മൈനോറിറ്റി ഡിപ്പാര്‍ട്ട്‌മെന്റ് ജില്ലാ ജനറല്‍ സെക്രട്ടറി കരീം കാബ്രന്‍ , മഹിളാ കോണ്‍ഗ്രസ് ജില്ല ജനറല്‍ സെക്രട്ടറി സുലൈഖ മജീദ്, മണ്ഡലം കോണ്‍ഗ്രസ് ഭാരവാഹികളായ മൊയ്ദീന്‍ കുട്ടി മാട്ടറ, ഹസ്സന്‍ പി കെ , രാജന്‍ വാക്കയില്‍, സുരേഷ് മമ്പുറം, മജീദ് പുളക്കല്‍,മഹിളാ കോണ്‍ഗ്രസ് അസംബ്ലി ജനറല്‍ സെക്രട്ടറി സുഹറ പുള്ളിശ്ശേരി,എന്നിവര്‍ സംസാരിച്ചു.
മഹിളാ കോണ്‍ഗ്രസ് മണ്ഡലം പ്രസിഡന്റ് ഷൈലജ പുനത്തില്‍ പ്രതിജ്ഞ ചൊല്ലി കൊടുത്തു. അസ്‌ലം മമ്പുറം, ഇവി അലവി താഴെ കൊളപ്പുറം, എന്നിവര്‍ നേതൃത്വം നല്‍കി.