പാമ്പ് കടിയേറ്റു മരിച്ചാല് 4 ലക്ഷം രൂപ ധനസഹായം പ്രഖ്യാപിച്ച് സര്ക്കാര് ; മനുഷ്യ – വന്യജീവി സംഘര്ഷത്തില് സഹായം അനുവദിക്കുന്നതിന് പുതിയ മാനദണ്ഡങ്ങള്ക്ക് അന്തിമ രൂപം നല്കി
തിരുവനന്തപുരം : മനുഷ്യ - വന്യജീവി സംഘര്ഷത്തില് സംസ്ഥാന ദുരന്ത പ്രതികരണ നിധിയില് നിന്ന് സഹായം അനുവദിക്കുന്നതിന് പുതിയ മാനദണ്ഡങ്ങള്ക്ക് ദുരന്ത നിവാരണ അതോറിറ്റിയുടെ എക്സിക്യൂട്ടീവ് കമ്മറ്റി അന്തിമ രൂപം നല്കി. ചീഫ് സെക്രട്ടറി ശാരദ മുരളീധരന്റെ അധ്യക്ഷതയില് ചേര്ന്ന യോഗത്തിലാണ് തീരുമാനം.
സംസ്ഥാനത്തെ വന്യമൃഗങ്ങളുടെ ആക്രമണത്തിന്റെ തീവ്രത കണക്കിലെടുത്ത്, മനുഷ്യ വന്യജീവി സംഘര്ഷം പ്രത്യേക ദുരന്തമായി പ്രഖ്യാപിക്കാന് കഴിഞ്ഞ വര്ഷം മാര്ച്ചില് സര്ക്കാര് തീരുമാനിച്ചിരുന്നു. മനുഷ്യ മൃഗ സംഘട്ടനങ്ങള് പ്രതിരോധിക്കുന്നത് ആസൂത്രണം ചെയ്യുന്നതിനും കൈകാര്യം ചെയ്യുന്നതിനും പ്രതികരിക്കുന്നതിനും ലഘൂകരിക്കുന്നതിനുമായി ഉന്നത ഉദ്യോഗസ്ഥരുടെ സംസ്ഥാനതല സമിതിയും രൂപീകരിച്ചിട്ടുണ്ട്.
പാമ്പ് കടിയേറ്റുള്ള മരണം പുതുക്കിയ മാനദണ്ഡപ്രകാരം ലിസ്റ്റില് ഉള്പ്പെടുത്താന് തീരുമാനിച്ചു. പാമ്പ് കടിയേറ്റുള്ള മരണത്തിന...
