ഊരകം : വെങ്കുളം പുത്തൻപീടികയിൽ സ്കൂട്ടർ അപകടത്തിൽ യുവാവ് മരിച്ചു. വേങ്ങര ആശാരിപ്പടി സ്വദേശി പെരുമ്പള്ളി മുഹമ്മദിൻ്റെ മകൻ യൂസഫ് (23) ആണ് മരിച്ചത്. കൂടെയുണ്ടായിരുന്ന വേങ്ങര ഉണ്ണിയാലുക്കൽ അബ്ദുൽ ഗഫൂറിൻ്റെ മകൻ അദ്നാൻ (28) ,ഊരകം കീഴ്മുറി അഞ്ചുപറമ്പ് കീരി സൈദലവിയുടെ മകൻ മുഹമ്മദ് സിനാൻ (21) എന്നിവർക്ക് പരിക്കേറ്റു. തിങ്കളാഴ്ച രാത്രി 8 മണിക്കാൻ അപകടം. വെങ്കുളം പുത്തൻപീടിക റോഡിലൂടെ വരുമ്പോൾ പുത്തൻപീടിക വായനശാലക്ക് അടുത്ത് വെച്ച് റോഡിൻ്റെ ഇടതുവശത്തുള്ള വീടിൻ്റെ മുറ്റത്തേക്ക് ഇടിച്ചു കയറിയാണ് അപകടം. ഉടനെ കോട്ടക്കൽ സ്വകാര്യ ആശുപത്രിയിൽ എത്തിച്ചെങ്കിലും യൂസുഫ് മരണപ്പെട്ടു. യൂസഫ് ആണ് സ്കൂട്ടർ ഓടിച്ചിരുന്നത്. കബറടക്കം ഇന്ന് നടക്കും.