കാലിക്കറ്റ് യൂണിവേഴ്‌സിറ്റി അറിയിപ്പുകള്‍

ഫാബ്രിക്-ഗ്ലാസ് പെയിന്റിംഗ് പരിശീലനം തുടങ്ങി

കാലിക്കറ്റ് സർവകലാശാലാ ലൈഫ് ലോങ്ങ് ലേണിംഗ് വിഭാഗത്തിന്റെ ആഭിമുഖ്യത്തിൽ സ്ത്രീ ശാക്തീകരണത്തിന്റെ ഭാഗമായി ചേമഞ്ചേരി പൂക്കാട് കലാലയത്തിൽ വെച്ചു സംഘടിപ്പിക്കുന്ന പത്തു ദിവസത്തെ സൗജന്യ തൊഴിൽ പരിശീലന പരിപാടിക്ക് തുടക്കമായി. പൂക്കോട് കലാലയത്തിൽ തുടങ്ങിയ പരിപാടി സിണ്ടിക്കേറ് അംഗം അഡ്വ. എൽ.ജി. ലിജീഷ് ഉദ്ഘാടനം ചെയ്തു. കലാലയം പ്രസിഡന്റ് യു.കെ. രാഘവൻ അധ്യക്ഷത വഹിച്ചു. ലൈഫ് ലോങ്ങ് ലേണിംഗ് വകുപ്പ് മേധാവി ഡോ. ഇ. പുഷ്പലത മുഖ്യാതിഥിയായ യോഗത്തിൽ സെക്ഷൻ ഓഫീസർ കെ.കെ. സുനിൽ കുമാർ, കലാലയം സെക്രട്ടറി രാധകൃഷ്ണൻ, വനിതാ വേദി കൺവീനർ സന്ധ്യ, ഫാബ്രിക്-ഗ്ലാസ് പെയിന്റിംഗ് പരിശീലക രമ എന്നിവർ സംസാരിച്ചു.

പി.ആര്‍ 309/2024

കോൺടാക്ട് ക്ലാസ്

കാലിക്കറ്റ് സർവകലാശാലാ വിദൂര വിദ്യാഭ്യാസ വിഭാഗത്തിന് കീഴിൽ നാലാം സെമസ്റ്റർ ബി.എ. അഫസൽ-ഉൽ-ഉലമ, ബി.എ. ഫിലോസഫി (CBCSS – 2022 പ്രവേശനം) വിദ്യാർഥികൾക്കുള്ള കോൺടാക്ട് ക്ലാസുകൾ മാർച്ച് 18-ന് വിദൂര വിദ്യാഭ്യാസ വിഭാഗത്തിൽ തുടങ്ങും. വിദ്യാർഥികൾ ഐ.ഡി. കാർഡ് സഹിതം ഹാജരാകേണ്ടതാണ്. സമയക്രമം വെബ്‌സൈറ്റിൽ. ഫോൺ:- 0494 – 2400288, 2407356. 

പി.ആര്‍ 310/2024

പരീക്ഷാ അപേക്ഷാ

എം.സി.എ. (ലാറ്ററൽ എൻട്രി – 2019 പ്രവേശനം) ഒന്നാം സെമസ്റ്റർ ഏപ്രിൽ 2023, രണ്ടാം സെമസ്റ്റർ ഡിസംബർ 2023 സപ്ലിമെന്ററി പരീക്ഷകൾക്ക് പിഴ കൂടാതെ മാർച്ച് 13 വരെയും 180/- രൂപ പിഴയോടെ 15 വരെയും അപേക്ഷിക്കാം. ലിങ്ക് മാർച്ച് 1 മുതൽ ലഭ്യമാകും.

നാലാം സെമസ്റ്റർ അഞ്ച് വർഷ ഇന്റഗ്രേറ്റഡ് ഡബിൾ ഡിഗ്രി ബി.കോം. എൽ.എൽ.ബി. ഹോണേഴ്‌സ് (2020 പ്രവേശനം) മാർച്ച് 2023 സപ്ലിമെന്ററി പരീക്ഷകൾക്ക് പിഴ കൂടാതെ മാർച്ച് 13 വരെയും 180/- രൂപ പിഴയോടെ 15 വരെയും അപേക്ഷിക്കാം.ലിങ്ക് മാർച്ച് 1 മുതൽ ലഭ്യമാകും.

പി.ആര്‍ 311/2024

പരീക്ഷ

സർവകലാശാലാ പഠനവകുപ്പിലെ മൂന്നാം സെമസ്റ്റർ എം.എ. സോഷ്യോളജി (CCSS – PG 2020 & 2021 പ്രവേശനം) SGU3C09 – Schools of Sociological Theory -II പേപ്പർ നവംബർ 2023 സപ്ലിമെന്‍ററി / ഇംപ്രൂവ്മെന്‍റ് പരീക്ഷ മാർച്ച് നാലിന്  ഉച്ചക്ക് 1.30 നടത്തും.

അഞ്ചാം സെമസ്റ്റർ മൂന്ന് വർഷ എൽ.എൽ.ബി. യൂണിറ്ററി ഡിഗ്രി (2019 മുതൽ 2021 വരെ പ്രവേശനം) നവംബർ 2023 റഗുലർ / സപ്ലിമെന്ററി പരീക്ഷകളും (2018 പ്രവേശനം) ഏപ്രിൽ 2024 സപ്ലിമെന്ററി പരീക്ഷകളും മാർച്ച് 13-ന് തുടങ്ങും. വിശദമായ സമയക്രമം വെബ്‌സൈറ്റിൽ.

ഒൻപതാം സെമസ്റ്റർ ബി.ബി.എ. എൽ.എൽ.ബി. ഹോണേഴ്‌സ് (2019 പ്രവേശനം) നവംബർ 2023 റഗുലർ പരീക്ഷകളും (2016 മുതൽ 2018 വരെ പ്രവേശനം) ഏപ്രിൽ 2024 സപ്ലിമെന്ററി പരീക്ഷകളും മാർച്ച് 13-ന് തുടങ്ങും.

പി.ആര്‍ 312/2024

പുനർമൂല്യനിർണയ ഫലം

എസ്.ഡി.ഇ. അവസാന വർഷ എം.എ. സോഷ്യോളജി ഏപ്രിൽ 2022 പരീക്ഷയുടെ പുനർമൂല്യനിർണയ ഫലം പ്രസിദ്ധീകരിച്ചു.

അഞ്ചാം സെമസ്റ്റർ ബി.എ. / ബി.എസ്.ഡബ്ല്യൂ. / ബി.വി.സി. / ബി.എഫ്.ടി. / എ.എഫ്.യു. നവംബർ 2023 CBCSS (2019 മുതൽ 2021 വരെ പ്രവേശനം) റഗുലർ / സപ്ലിമെന്ററി / ഇംപ്രൂവ്മെന്‍റ് പരീക്ഷകളുടെയും CUCBCSS – UG (2018 പ്രവേശനം) സപ്ലിമെന്ററി / ഇംപ്രൂവ്മെന്‍റ് പരീക്ഷകളുടെയും പുനർമൂല്യനിർണയ ഫലം പ്രസിദ്ധീകരിച്ചു.

പി.ആര്‍ 313/2024