മുഖ്യമന്ത്രിയുടെ മലപ്പുറത്തെ അധിക്ഷേപിച്ചുള്ള വിവാദ അഭിമുഖം ; പ്രതികരണവുമായി ദി ഹിന്ദു ദിനപത്രം
തിരുവനന്തപുരം : മലപ്പുറത്തെ അധിക്ഷേപിച്ചു കൊണ്ടുള്ള മുഖ്യമന്ത്രിയുടെ വിവാദ അഭിമുഖത്തില് പ്രതികരണവുമായി 'ദി ഹിന്ദു' ദിനപത്രം രംഗത്ത്. പിണറായി വിജയന്റെ അഭിമുഖം നല്കാമെന്ന് ചൂണ്ടിക്കാട്ടി കൈസെന് എന്ന പിആര് ഏജന്സിയാണ് സമീപിച്ചതെന്ന് പത്രം വ്യക്തമാക്കി. മുഖ്യമന്ത്രിയുടെ അഭിമുഖത്തില് നിന്ന് നിന്ന് വിവാദ പരാമര്ശങ്ങള് പിന്വലിക്കുകയാണെന്ന് 'ദി ഹിന്ദു' അറിയിച്ചു. ഓണ്ലൈന് പതിപ്പില് മുഖ്യമന്ത്രിയുടെ അഭിമുഖത്തിനു താഴെ നല്കിയിരിക്കുന്ന തിരുത്തിലാണ് ഇക്കാര്യം ചൂണ്ടിക്കാട്ടിയത്.
അഭിമുഖത്തിലെ മലപ്പുറം പരാമര്ശം പിആര് ഏജന്സി പ്രതിനിധികള് എഴുതി നല്കിയതാണ്. മാധ്യമ ധാര്മ്മികതയ്ക്ക് നിരക്കാത്തതിനാല് ഖേദിക്കുന്നുവെന്നും 'ദി ഹിന്ദു' അറിയിച്ചു. മലപ്പുറം പരാമര്ശത്തില് മുഖ്യമന്ത്രിയുടെ ഓഫീസ് പത്രത്തിന് കത്ത് നല്കിയിരുന്നു. ഇതിന് പിന്നാലെയാണ് ഖേദം പ്രകടിപ്പിച്ചുകൊണ്ടുള്ള കുറിപ്പ് വന്നത്.
'...
