വള്ളിക്കുന്ന് മണ്ഡലം നവകേരള സദസ്: സംഘാടകസമിതി രൂപീകരിച്ചു
വള്ളിക്കുന്ന് : മുഖ്യമന്ത്രിയുടെയും മന്ത്രിമാരുടെയും നേതൃത്വത്തിൽ മണ്ഡലാടിസ്ഥാനത്തിൽ നടത്തുന്ന നവകേരള സദസ്സിന്റെ വള്ളിക്കുന്ന് മണ്ഡലം സംഘാടക സമിതി കായിക വകുപ്പ് മന്ത്രി വി അബ്ദുറഹിമാൻ ഉദ്ഘാടനം ചെയ്തു.
രാജ്യത്തിന് തന്നെ മാതൃകയായ നിരവധി പദ്ധതികൾ സംസ്ഥാനം ആസൂത്രണം ചെയ്ത് വിജയകരമായി നടപ്പാക്കിയിട്ടുണ്ടെന്നും ഇതിനെല്ലാം സഹായകരമായത് ജനപ്രതിനിധികൾ ഉദ്യോഗസ്ഥർ മുതൽ സാധാരണ ജനങ്ങൾ വരെയുള്ളവരുടെ കൂട്ടായ പരിശ്രമങ്ങളാണെന്നും മന്ത്രി പറഞ്ഞു. ഒരു വർഷത്തിനകം അദിദാരിദ്ര്യം ഇല്ലാത്ത നാടാക്കി കേരളത്തെ മാറ്റും. ഇതിനായുള്ള പ്രവർത്തനം ആരംഭിച്ചിട്ടുണ്ട്. ജനങ്ങളും ഭരണാധികാരികളും തമ്മിലുള്ള ബന്ധം ദൃഢമാക്കുകയാണ് ബഹുജന സദസിലൂടെ ലക്ഷ്യം വയ്ക്കുന്നത്. തലസ്ഥാനത്ത് മാത്രം ഭരണ നിർവഹണം നടത്തുന്ന ഉന്നത ഉദ്യോഗസ്ഥരടക്കമുള്ളവർ പൊതുജന സമക്ഷമെത്തി ജനങ്ങളെ ശ്രവിക്കും. ആരോഗ്യ രംഗം, മാലിന്യ നിർമാർജനം, കുടിവെള്ള പദ്ധതി എന്നിവയിലു...
