മമ്പുറം തങ്ങൾ ആണ്ടു നേര്ച്ച ജൂണ് 17 മുതല്
188 -ാമത് മമ്പുറം ആണ്ടു നേര്ച്ച ജൂണ് 17 മുതല്
മമ്പുറം (തിരൂരങ്ങാടി): ദക്ഷിണേന്ത്യയിലെ പ്രമുഖ തീര്ഥാടന കേന്ദ്രമായ മമ്പുറം മഖാമില് അന്ത്യവിശ്രമം കൊള്ളുന്ന ആത്മീയാചാര്യനും സാമൂഹ്യ പരിഷ്കര്ത്താവുമായിരുന്ന ഖുഥ്ബുസ്സമാന് സയ്യിദ് അലവി മൗലദ്ദവീല തങ്ങളുടെ 188 -ാം ആണ്ടുനേര്ച്ച ജൂണ് 17 ബുധനാഴ്ച മുതല് 24 ബുധന് ഉള്പ്പെടെയുള്ള ദിവസങ്ങളില് മമ്പുറം മഖാമില് വെച്ച് നടത്താന് ദാറുല്ഹുദാ ഇസ്ലാമിക് അക്കാദമി മാനേജിംഗ് കമ്മിറ്റി തീരുമാനിച്ചു. മമ്പുറം മഖാം ദാറുല്ഹുദാ മാനേജിംഗ് കമ്മിറ്റി ഏറ്റെടുത്ത ശേഷം നടക്കുന്ന 28 -ാമത്തെ ആണ്ടുനേര്ച്ചയാണ് ഈ വര്ഷം നടക്കുന്നത്.
നേര്ച്ചയുടെ ഭാഗമായി കൊടിയേറ്റം കൂട്ടസിയാറത്ത്, മജ്ലിസുന്നൂര്, സ്വലാത്ത് മജ്ലിസ്, മതപ്രഭാഷണങ്ങള്, സെമിനാര്, ഹിഫ്ള് സനദ് ദാനം, ചരിത്ര സെമിനാര്, മമ്പുറം തങ്ങള് അനുസ്മരണ -ദുആ മജ്ലിസ്, ഒരു ലക്ഷത്തിലേറെ പേര്ക്കുള്ള അന്നദാനം, സമാപ...
