തെന്നല ബാങ്ക് മുൻ ഭരണസമിതി അംഗങ്ങളുടെ വീടുകളിൽ ഇ ഡി റെയ്ഡ്
തിരൂരങ്ങാടി : സംസ്ഥാനത്തെ സഹകരണ ബാങ്കുകള്‍ കേന്ദ്രീകരിച്ച്‌ എൻഫോഴ്സ്‌മെന്റ് ഡയറക്‌ട്രേറ്റിന്റെ (ഇഡി) വ്യാപക പരിശോധന. മലപ്പുറംതൃശൂർ, എറണാകുളം, കോഴിക്കോട് എന്നീ മൂന്ന് ജില്ലകളിലാണ് റെയ്ഡ്. ബാങ്ക് ഓഫീസുകളിലും ഭരണസമിതി അംഗങ്ങളുടെയും ജീവനക്കാരുടെയും വീടുകളിലുമാണ് പരിശോധന. കള്ളപ്പണം വെളുപ്പിക്കല്‍ നിയമപ്രകാരം രജിസ്റ്റർ ചെയ്ത കേസുകളുടെ തുടരന്വേഷണത്തിന്റെ ഭാഗമായാണ് നടപടിയെന്നാണ് ഇഡി വൃത്തങ്ങള്‍ നല്‍കുന്ന സൂചന.. മലപ്പുറത്ത് തിരൂരങ്ങാടി തെന്നല ബാങ്ക് മുൻ ഭരണസമിതി അംഗങ്ങളുടെ വീടുകളിലാണ് പരിശോധന നടക്കുന്നത്. മുൻ ബാങ്ക് പ്രസിഡണ്ട് എം പി കുഞ്ഞിമൊയ്തീൻ, ഡയറക്ടർമാർ ആയിരുന്ന വി പി അലി, എൻ എം സൈതാലവി, മുൻ വനിതാ ഡയറക്ടർ സാജിദ, രവീന്ദ്രനാഥ്, എൻ എം സൈതാലവി, യു കെ സൈതലവി, മുൻ സെക്രട്ടറി വാസുദേവൻ മൂസത് എന്നിവരുടെ വീടുകളിൽ ആണ് പരിശോധന നടക്കുന്നത്. ബാങ്കിലും പരിശോധന നടത്തി. മുസ്ലിം ലീഗ് ഭരണസമിതി ആണ് ബാങ്ക് ഭരണം ...
