ദാറുല്‍ ഹുദാ ബിരുദദാന നേതൃസ്മൃതി സമ്മേളനത്തിന് നാളെ തുടക്കം കുറിക്കും ; മൂന്ന് ദിവസം നീണ്ട് നില്‍ക്കുന്ന വിവിധ പരിപാടികള്‍ക്ക് അന്തിമ രൂപമായി
തിരൂരങ്ങാടി: ചെമ്മാട് ദാറുല്‍ ഹുദാ ഇസ്ലാമിക് സര്‍വ്വകലാശാലയുടെ ബിരുദദാന-നേതൃസ്മൃതി സമ്മേളനത്തിന് നാളെ ദാറുല്‍ ഹുദാ ക്യാമ്പസില്‍ തുടക്കം കുറിക്കും. സര്‍വ്വകലാശാലയില്‍ നിന്നും 12 വര്‍ഷത്തെ മത- ഭൗതിക പഠനം പൂര്‍ത്തിയാക്കിയ 26-ാമത് ബാച്ചിലെ കേരളത്തിനകത്തും പുറത്തും നിന്നുള്ള 211 പേര്‍ക്കാണ് ഹുദവി ബിരുദം നല്‍കുന്നത്. നാളെ മുതല്‍ മൂന്ന് ദിവസം നീണ്ട് നില്‍ക്കുന്ന വിവിധ പരിപാടികള്‍ക്ക് അന്തിമ രൂപമായി.
നാളെ വെള്ളിയാഴ്ച വൈകുന്നേരം 3. 30 ന് ദാറുല്‍ ഹുദാ ശില്‍പികളായ ഡോ: യു. ബാപ്പുട്ടി ഹാജി, ചെറുശ്ശേരി സൈനുദ്ധീന്‍ മുസ്ലിയാര്‍ തുടങ്ങിയവരുടെ ഖബര്‍ സിയാറത്തിന് ശേഷം അസര്‍ നമസ്‌കാരത്തിന് ശേഷം ദാറുല്‍ ഹുദാ കമ്മറ്റി ട്രഷറര്‍ കെ.എം. സൈതലവി ഹാജി പുലിക്കോട് പതാക ഉയര്‍ത്തും. തുടര്‍ന്ന് നടക്കുന്ന ഉല്‍ഘാടന സമ്മേളനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉല്‍ഘാടനം ചെയ്യും. കര്‍ണാടക നിയമസഭാ സ്പീക്കര്‍ യു.ടി. ഖാദ...
