വർണാഭമായി ആനപ്പടി ഗവ: എൽപി സ്കൂളിൻ്റെ സ്വാതന്ത്ര്യദിനാഘോഷം
പരപ്പനങ്ങാടി: സ്വാതന്ത്ര്യത്തിൻ്റെ അമൃതവർഷാഘോഷത്തോടനുബന്ധിച്ച് ചെട്ടിപ്പടി -ആനപ്പടി ഗവ: എൽ പി സ്കൂൾ സംഘടിപ്പിച്ച സ്വാതന്ത്ര്യ ദിനാഘോഷം വേറിട്ടതായി. പതാക ഉയർത്തലിന് ശേഷം പിടിഎ പ്രസിഡണ്ട് കോലാക്കൽ ജാഫർ അദ്ധ്യക്ഷനായി. സ്വാതന്ത്ര്യ സമര സ്മരണ സദസിൽ റിട്ട: ഹെഡ്മാസ്റ്റർ എൻ പി അബു മുഖ്യ പ്രഭാഷണം നടത്തി. വാർഡ് കൗൺസിലർ കെ പി റംല, പ്രധാന അദ്ധ്യാപിക സി ഗീത, മാനസ്, പി ടി എ അംഗങ്ങളായ സജി പോത്തഞ്ചേരി , അബ്ദുൾ നാസർ, ബാലകൃഷ്ണൻ എ.വി. തുടങ്ങിയവർ സംസാരിച്ചു. വായന പക്ഷാചരണത്തോടനുബന്ധിച്ച് വായനശാലാ തലത്തിലും നഗരസഭാ തലത്തിലും ശ്രദ്ധേയ വിജയം കരസ്ഥമാക്കിയ വിദ്യാർത്ഥികൾക്ക് ചടങ്ങിൽ സമ്മാനങ്ങൾ നൽകി. തുടർന്ന് ചെട്ടിപ്പടി റെയിൽവേ ഗേറ്റ് വരെ വർണാഭമായി കുട്ടികളുടെ ഘോഷയാത്രയും നടന്നു. ഭാരതാംബയായും സ്വാതന്ത്ര്യസമര സേനാനികളുടെ വേഷങ്ങളണിഞ്ഞും കുരുന്നുകൾ ഘോഷയാത്രയിൽ അണിനിരന്നു.
...
