തിരൂരങ്ങാടി താലൂക്ക് ഏകദിന വ്യവസായ നിക്ഷേപക സംഗമം സംഘടിപ്പിച്ചു
മലപ്പുറം ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില് തിരൂരങ്ങാടി താലൂക്ക് വ്യവസായ ഓഫീസ് ഏകദിന വ്യവസായ നിക്ഷേപക സംഗമം സംഘടിപ്പിച്ചു. വേങ്ങര വ്യാപാര ഭവന് ഓഡിറ്റോറിയത്തില് നടന്ന പരിപാടി വേങ്ങര ബ്ലോക്ക് പഞ്ചായത്ത് പ്രസിഡന്റ് ബെന്സീറ ടീച്ചര് ഉദ്ഘാടനം ചെയ്തു.
60 നിക്ഷേപകരടക്കം 82 പേര് പരിപാടിയില് പങ്കെടുത്തു. മലപ്പുറം ജില്ലാ വ്യവസായി കേന്ദ്രം ജനറല് മാനേജര് ദിനേശ് മുഖ്യപ്രഭാഷണം നടത്തി. കേരള സ്റ്റേറ്റ് ഇലക്ട്രിസിറ്റി ബോര്ഡ്, ലേബര് വകുപ്പ്, പൊല്യൂഷന് കണ്ട്രോള് ബോര്ഡ്, ഫുഡ് സേഫ്റ്റി, ലീഗല് മെട്രോളജി, ജി.എസ്.ടി തുടങ്ങിയ വകുപ്പുകളില് ഉദ്യോഗസ്ഥ പ്രതിനിധികളുമായി സംരംഭകര് സംവദിച്ചു. കേരള ഫിനാന്ഷ്യല് കോര്പ്പറേഷന്, സ്റ്റേറ്റ് ബാങ്ക് ഓഫ് ഇന്ത്യ, കനറാ ബാങ്ക് തുടങ്ങിയ ബാങ്ക് പ്രതിനിധികളുമായി സംരംഭങ്ങളുടെ പ്രൊജക്ടുകള്ക്ക് ബാങ്ക് സഹായത്തിനുള്ള അപേക്ഷകള് സമര്പ്പിച്ചു.
...
