പരപ്പനങ്ങാടി : പരപ്പനങ്ങാടി ഉപജില്ലാ കലോത്സവത്തില്‍ മത്സരിച്ച ഇനങ്ങളില്‍ എല്ലാം എ ഗ്രേഡ് കരസ്ഥമാക്കി അനുശ്രീ. സൂപ്പിക്കുട്ടി ഹയര്‍സെക്കന്‍ഡറി സ്‌ക്കൂളിലെ എട്ടാം ക്ലാസ് വിദ്യാര്‍ത്ഥിയായ അനുശ്രീ പരപ്പനങ്ങാടി മീനടത്ത് താമസിക്കുന്ന കുറുപ്പംകണ്ടി രമേഷ്, ഷീബ ദമ്പതിമാരുടെ ഏക മകളാണ്. 4 മത്സര ഇനങ്ങളിലാണ് അനുശ്രീ മത്സരിച്ചത്. മത്സരിച്ചതിലെല്ലാം എ ഗ്രേഡ് നേടി സ്‌കൂളിനും രക്ഷിതാക്കള്‍ക്കും അഭിമാനമായി മാറിയിരിക്കുകയാണ് അനുശ്രീ.
ഹൈസ്‌കൂള്‍ വിഭാഗത്തില്‍ സംസ്‌കൃതം ഗ്രൂപ്പ് സോങ്ങ്, വന്ദേമാതരം എന്നീ ഇനങ്ങളില്‍ ഫസ്റ്റ് വിത്ത് എ ഗ്രേഡ് കൂടാതെ മലയാളം ഗ്രൂപ്പ് സോങ്ങില്‍ സെക്കന്‍ഡ് വിത്ത് എ ഗ്രേഡും ലളിതഗാനത്തില്‍ തേര്‍ഡ് വിത്ത് എ ഗ്രേഡും ഈ കൊച്ചു കലാകാരി കരസ്ഥമാക്കി.
കലാകായിക രംഗങ്ങളില്‍ തുടര്‍ച്ചയായ നേട്ടം കൈവരിക്കുന്ന അമ്മയും മകളും നാടിന്റെ അഭിമാനമാണ്. അമ്മ ഷീബ മാസ്റ്റേഴ്‌സ് മീറ്റിലെ ഇന്റര്‍നാഷണല്‍ മെഡലിസ്റ്റ് ആണ്. തിരൂരങ്ങാടി താലൂക്ക് ഹെഡ് ക്വാര്‍ട്ടേഴ്‌സ് ഹോസ്പിറ്റലില്‍ വര്‍ക്ക് ചെയ്തുവരുന്നു.