ലോക് സഭാ തിരഞ്ഞെടുപ്പ് : ജില്ലയില് ഇതുവരെ പിടിച്ചെടുത്തത് 16.86 കോടി രൂപയുടെ വസ്തുക്കള്, ഏറ്റവും കൂടുതല് പണം പിടിച്ചെടുത്തിട്ടുള്ളതില് തിരൂരങ്ങാടിയും
ലോക് സഭാ തിരഞ്ഞെടുപ്പിന്റെ സുതാര്യമായ നടത്തിപ്പുമായി ബന്ധപ്പെട്ട് പ്രവര്ത്തിക്കുന്ന വിവിധ സ്ക്വാഡുകളുടെയും പൊലീസ്, എക്സൈസ്, ഡി.ആര്.ഐ തുടങ്ങി വിവിധ വകുപ്പുകളുടെയും നേതൃത്വത്തില് നടത്തിയ പരിശോധനകളില് മലപ്പുറം ജില്ലയില് നിന്നും ഇതു വരെ പിടിച്ചെടുത്തത് 16.86 കോടി രൂപയുടെ വസ്തുക്കള്. മാതൃകാ പെരുമാറ്റച്ചട്ടം നിലവില് വന്ന മാര്ച്ച് 16 മുതല് ഏപ്രില് 18 വരെയുള്ള കണക്കാണിത്.
മലപ്പുറം ജില്ലയിലെ 16 നിയമസഭാ മണ്ഡലങ്ങളില് നടത്തിയ പരിശോധനകളില് 1. 53 കോടി രൂപ പണമായും 11.55 ലക്ഷം രൂപ വില വരുന്ന 1214.65 ലിറ്റര് മദ്യവും, 3.80 കോടി രൂപ വിലവരുന്ന കഞ്ചാവ് ഉള്പ്പെടെയുള്ള 22.47 കിലോഗ്രാം മയക്കുമരുന്നും 69. 93 ലക്ഷം രൂപ വില വരുന്ന മറ്റു വസ്തുക്കളും പിടിച്ചെടുത്തവയില് ഉള്പ്പെടുന്നു. ഇതോടൊപ്പം 10.71 കോടി രൂപയുടെ 14.68 കിലോ സ്വര്ണവും പിടിച്ചെടുത്തിട്ടുണ്ട്. കരിപ്പൂര് വിമാനത്താവളത്തിലും കൊണ്ടോട്ടി...
