ജില്ലാ വികസനസമിതി യോഗം 24 ന്
ജില്ലാ വികസന സമിതി യോഗം ഫെബ്രുവരി 24 (ശനി) രാവിലെ 10.30 ന് ജില്ലാ ആസൂത്രണ സമിതി കോണ്‍ഫ്രന്‍സ് ഹാളില്‍ ചേരും.
———
സര്‍ക്കാര്‍ സ്ഥാപനമായ സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി നടത്തുന്ന ആറ് മാസം ദൈര്‍ഘ്യമുള്ള പി.എസ്.സി അംഗീകൃത സര്‍ട്ടിഫിക്കറ്റ് ഇന്‍ കംപ്യൂട്ടര്‍ ആന്‍ഡ് ഡി.ടി.പി കോഴ്‌സിന് അപേക്ഷ ക്ഷണിച്ചു. എസ്.എസ്.എല്‍.സി പാസായവര്‍ ഫെബ്രുവരി 26നകം കോഴിക്കോട് ഉപകേന്ദ്രത്തിലേക്കാണ് അപേക്ഷിക്കേണ്ടത്.
പട്ടികജാതി/ പട്ടികവര്‍ഗ്ഗ/ മറ്റ് അര്‍ഹരായ വിഭാഗങ്ങള്‍ക്ക് നിയമാനു സൃത ഫീസ് ആനുകൂല്യം ലഭിക്കും. ഒ.ബി.സി/ എസ്.ഇ.ബി.സി/ മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്ന വിദ്യാര്‍ത്ഥികള്‍ക്കും വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും.
സി-ആപ്റ്റിന്റെ കോഴിക്കോട് സബ് സെന്ററിലാണ് കോഴ്‌സുകള്‍ നടത്തുന്നത്. ഫോണ്‍: 0495 2723666, 0495 2356591, 9778751339 (ഇമെയില്‍-kozhikode@captkerala.com, വെബ്‌സൈറ്റ് : www.captkerala.com )
————
ക്വട്ടേഷൻ ക്ഷണിച്ചു
പെരിന്തൽമണ്ണ ജില്ലാ ആശുപത്രിയിലെ ബ്ലഡ് സെന്ററിലേക്ക് 2024-25 സാമ്പത്തിക വർഷത്തിൽ റീഏജന്റുകളും അനുബന്ധ ഉപകരണങ്ങളും വിതരണം ചെയ്യുന്നതിനുള്ള ക്വട്ടേഷൻ ക്ഷണിച്ചു. മാർച്ച് നാലിന് ഉച്ചയ്ക്ക് 12 ന് മുമ്പായി സൂപ്രണ്ട്, ബ്ലഡ് സെന്റർ, ജില്ലാ ആശുപത്രി, പെരിന്തൽമണ്ണ 679322 എന്ന വിലാസത്തിൽ ക്വട്ടേഷൻ സമർപ്പിക്കണം. ഫോൺ: 04933 226505, 226322, 9847265973.
————-
ഹിന്ദി അധ്യാപക പരിശീലന കോഴ്സിലേക്ക് അപേക്ഷിക്കാം
അപ്പര്‍ പ്രൈമറി സ്‌കൂളിലേക്ക് ഹിന്ദി അധ്യാപക യോഗ്യതയായി സംസ്ഥാന സര്‍ക്കാര്‍ അംഗീകരിച്ച ഡിപ്ലോമ ഇന്‍ എലിമെന്ററി എജ്യൂക്കേഷന്‍ കോഴ്സിലേക്ക് പ്രവേശനത്തിന് അപേക്ഷിക്കാം.. 50 ശതമാനത്തിന് മുകളില്‍ മാര്‍ക്കോടെ ഹിന്ദിയിലുള്ള പ്ലസ്ടു അല്ലെങ്കില്‍ ഹിന്ദി ബി.എ പാസായിരിക്കണം. ഉയര്‍ന്ന യോഗ്യതയും മാര്‍ക്കും ഉള്ളവര്‍ക്ക് മുന്‍ഗണന ലഭിക്കും. പ്രായപരിധി 17 നും 35 ഇടക്ക്. പട്ടികജാതി-പട്ടികവര്‍ഗക്കാര്‍ക്ക് ഫീസ് ഇളവ് ഉണ്ടായിരിക്കും. അപേക്ഷകള്‍ ഫെബ്രുവരി 29ന് മുന്‍പായി പ്രിന്‍സിപ്പല്‍, ഭാരത് ഹിന്ദി പ്രചാര കേന്ദ്രം, അടൂര്‍, പത്തനംതിട്ട ജില്ല എന്ന വിലാസത്തില്‍ ലഭിക്കണം. ഫോണ്‍: 04734296496, 8547126028.
———
സാഹിത്യ ക്യാമ്പ്; സൃഷ്ടികള്‍ ക്ഷണിച്ചു
മലപ്പുറം ജില്ലാ ലൈബ്രറി കൗണ്‍സിലിന്റെ ആഭിമുഖ്യത്തില്‍ ജില്ലയിലെ യുവ എഴുത്തുകാര്‍ക്കായി മാര്‍ച്ച് 9,10 തിയതികളില്‍ കോട്ടയ്ക്കലില്‍ വെച്ച് സംഘടിപ്പിക്കന്ന ദ്വിദിന സാഹിത്യ ക്യാമ്പിലേക്ക് സൃഷ്ടികള്‍ ക്ഷണിച്ചു. ക്യാമ്പില്‍ പങ്കെടുക്കാന്‍ താല്‍പര്യമുള്ള 18നും 35നും ഇടയില്‍ പ്രായമുള്ള യുവ എഴുത്തുകാര്‍ക്ക് സൃഷ്ടികള്‍ അയക്കാം. കഥാ വിഭാഗത്തില്‍ നാല് പേജില്‍ കവിയാത്തതും (ചെറുകഥ), കവിതാ വിഭാഗത്തില്‍ ഒരു പേജില്‍ കവിയാത്തതും മുമ്പ് പ്രസിദ്ധീകരിക്കാത്തതുമായ സൃഷ്ടികള്‍ മാര്‍ച്ച് ഒന്നിന് മുന്‍പ്, സെക്രട്ടറി, മലപ്പുറം ജില്ലാ ലൈബ്രറി കൗണ്‍സില്‍, താമരക്കുഴി റോഡ്, സിവില്‍ സ്റ്റേഷന് സമീപം, മലപ്പുറം 676505 എന്ന വിലാസത്തില്‍ അയക്കണം.
———————
പ്രാദേശിക ഒഴിവുകളിലേക്ക് നിയമനം
കേരള നോളജ് ഇക്കോണമി മിഷന്റെ നേതൃത്വത്തിൽ കുടുംബശ്രീ ജില്ലാ മിഷന്റെയും കോൺഫെഡറേഷൻ ഓഫ് ഇന്ത്യൻ ഇൻഡസ്ട്രീസിന്റെയും സഹകരണത്തോടെ വിവിധ ഒഴിവുകളിലേക്ക് നിയമനത്തിനായി അഭിമുഖം സംഘടിപ്പിക്കുന്നു. നാളെ (ഫെബ്രുവരി 19) രാവിലെ 9.30 മുതൽ ഒരു മണിവരെ കോട്ടക്കൽ നഗരസഭയിലെ ഇ.ഒ ഓഡിറ്റോറിയത്തിലാണ് അഭിമുഖം. അധ്യാപകർ (ബിരുദാനന്തര ബിരുദം), മെന്റർ (പ്ലസ്ടു), മാനേജർ(ബിരുദം), കസ്റ്റമർ കെയർ എക്സിക്യൂട്ടീവ് (ബിരുദം) തസ്തികകളിലാണ് ഒഴിവുള്ളത്. യോഗ്യതയുള്ളവർക്ക് പങ്കെടുക്കാം. അഭിമുഖത്തിൽ പങ്കെടുക്കുന്നവർ സംസ്ഥാന സർക്കാരിന്റെ ജോബ് പോർട്ടലായ www.knowledgemission.kerala.gov.in (DWMS Connect App) ൽ രജിസ്റ്റർ ചെയ്യണം. ഫോൺ: 97787 85765, 8943430653.