മലപ്പുറം : കുടുംബത്തിന്റെ സാമ്പത്തിക ഭദ്രതയ്ക്ക് സ്ത്രീ സംരംഭകത്വം അനിവാര്യമാണെന്ന് പി. അബ്ദുൽ ഹമീദ് എം.എൽ.എ. കോഡൂർ ഗ്രാമപഞ്ചായത്ത് 2023-24 വാർഷിക പദ്ധതിയിൽ ഉൾപ്പെടുത്തി നടത്തുന്ന വുമൺ വൈബ് കോട്ടേജ് ഇന്റസ്്ട്രീസ് യൂണിറ്റിന്റെ ഭാഗമായി മലപ്പുറത്ത് നടത്തിയ ബിസിനസ് മീറ്റ് ഉദ്ഘാടനം ചെയ്യുകയായിരുന്നു അദ്ദേഹം. സമൂഹത്തിലെ സാമ്പത്തിക പിന്നോക്കാവസ്ഥ പരിഹരിക്കാനും കൂടുതൽ തൊഴിൽ അവസരങ്ങൾ സൃഷ്ടിക്കാനും മൈക്രോ സംരംഭങ്ങളിലൂടെ സാധിക്കുമെന്നും അദ്ദേഹം കൂട്ടിചേർത്തു.
ചടങ്ങിൽ ഗ്രാമപഞ്ചായത്ത് പ്രസിഡന്റ് റാബിയ ചോലക്കൽ അധ്യക്ഷത വഹിച്ചു. മലപ്പുറം നഗരസഭാ അധ്യക്ഷൻ മുജീബ് കാടേരി, ബ്ലോക്ക് പഞ്ചായത്ത് വൈസ് പ്രസിഡന്റ് റെജുല പെലത്തൊടി, ഗ്രാമപഞ്ചായത്ത് വൈസ് പ്രസിഡന്റ് സാദിഖ് പൂക്കാടൻ, വികസന സ്റ്റാന്റിങ് കമ്മിറ്റി ചെയർപേഴ്സൺ ഫാത്തിമ വട്ടോളി, സ്ഥിരം സമിതി അധ്യക്ഷരായ ആസ്യ കുന്നത്ത്, ശിഹാബ് അരീക്കത്ത്, ബ്ലോക്ക് മെമ്പർ എം.ടി ബഷീർ, മെമ്പർമാരായ കെ.ടി റബീബ്, അജ്മൽ തറയിൽ, മുംതസ് വില്ലൻ, ഫൗസിയ്യ വില്ലൻ, സമീമത്തുന്നീസ പാട്ടുപാറ, ജൂബി മണപ്പാട്ടിൽ, ഷീജ കാവുങ്ങൽ, അമീറ വരിക്കോടൻ, പികെ ഷെരീഫ, വ്യവസായ പ്രമുഖരായ ഡോ. ഹംസ അഞ്ചുമുക്കിൽ, വി.എസ് മുരളീധരൻ, എം.എ നൂർജഹാൻ, അഫ്സൽ മുഹമ്മദ്, ഷമീർ, സക്കീന പുൽപ്പാടൻ, ജില്ലാ വ്യവസായ കേന്ദ്രം മാനേജർ കെ. പ്രശാന്ത്, പി.എ.യു മുസ്തഫ, വനിതാ വികസന കോർപ്പറേഷൻ കോ ഓർഡിനേറ്റർ ആതിര, ഗ്രാമീണ ബാങ്ക് മാനേജർ എസ്. അഞ്ജലി, ട്രെയ്നർ ടി. മുജീബ് എന്നിവർ പങ്കെടുത്തു. കെ.എൻ ഷാനവാസ് സ്വാഗതം പറഞ്ഞു.