ഒ പി ടിക്കറ്റ് ഓണ്ലൈനായി ബുക്കു ചെയ്യാനുള്ള മൊബൈല് ആപ്ലിക്കേഷനുമായി ആരോഗ്യവകുപ്പ്
മലപ്പുറം : സര്ക്കാര് ആരോഗ്യ സ്ഥാപനങ്ങളില് രോഗികള്ക്ക് ക്യൂവില് നില്ക്കാതെ യുഎച്ച്ഐഡി കാര്ഡ് നമ്പറും ആധാര് നമ്പറുമുപയോഗിച്ച് ഒ പി ടിക്കറ്റ് ബുക്കു ചെയ്യാനുള്ള മൊബൈല് ആപ്ലിക്കേഷന് ഇ-ഹെല്ത്ത് കേരള എന്ന പേരില് ജനകീയമാക്കാനുള്ള നടപടികള് ആരോഗ്യവകുപ്പ് ആരംഭിച്ചു. നിലവില് മലപ്പുറം ജില്ലയില് 60 ഓളം ആരോഗ്യ സ്ഥാപനങ്ങളിലാണ് ഇ-ഹെല്ത്ത് സേവനം നടപ്പിലാക്കിയത്. 14 ലധികം സ്ഥാപനങ്ങളില് പുതുതായി ഇ-ഹെല്ത്ത് സംവിധാനം ആരംഭിക്കാനുള്ള പ്രവൃത്തികള് അവസാന ഘട്ടത്തിലാണ്. കൂടാതെ ജില്ലയിലെ താലൂക്ക് ആശുപത്രി മുതല് മുകളിലുള്ള എല്ലാ സ്ഥാപനങ്ങളിലും ഓണ്ലൈന് ഒ പി ബുക്കിംഗ് ഉടന് ആരംഭിക്കും.
നിലവില്, പൊതുജനങ്ങള്ക്ക് ഇ-ഹെല്ത്ത് പോര്ട്ടല് വഴി സര്ക്കാര് ആരോഗ്യസ്ഥാപനങ്ങളിലെ ഡോക്ടര് കണ്സള്ട്ടേഷനുകള്ക്കായി മുന്കൂറായി ബുക്ക് ചെയ്യാം. എത്ര ഡോക്ടര്മാര് ബുക്കിങ് ദിവസം പരിശോധനയ്ക്ക് ഉണ്ടായിരിക്കും...
