നിപ: മലപ്പുറമടക്കം 6 ജില്ലകള്ക്ക് ജാഗ്രതാ നിര്ദേശം നല്കി ; സമ്പര്ക്കപ്പട്ടികയില് ആകെ 543 പേര്
പാലക്കാട് ജില്ലയില് രണ്ടാമതും നിപ രോഗം കണ്ടെത്തിയ സാഹചര്യത്തില് മലപ്പുറമടക്കം 6 ജില്ലകളിലെ ആശുപത്രികള്ക്ക് ജാഗ്രതാ നിര്ദേശം നല്കിയതായി ആരോഗ്യ വകുപ്പ് മന്ത്രി വീണാ ജോര്ജ്. പാലക്കാട് , മലപ്പുറം, കോഴിക്കോട്, കണ്ണൂര്, വയനാട്, തൃശൂര് ജില്ലകളിലെ ആശുപത്രികള്ക്കാണ് പ്രത്യേക ജാഗ്രത നിര്ദേശം നല്കിയത്. നിപ ലക്ഷണങ്ങളോട് കൂടിയ പനി, മസ്തിഷ്ക ജ്വരം എന്നിവ ഉണ്ടെങ്കില് റിപ്പോര്ട്ട് ചെയ്യണമെന്നാണ് നിര്ദേശം നല്കിയത്.
അതേസമയം സ്വകാര്യ ആശുപത്രിയില് മരണമടഞ്ഞ പാലക്കാട് ജില്ലക്കാരനായ 57 വയസുകാരന് നിപ റിപ്പോര്ട്ട് ചെയ്ത സാഹചര്യത്തില് സമ്പര്ക്ക പട്ടിക തയ്യാറാക്കിയതായി ആരോഗ്യ വകുപ്പ് മന്ത്രി വീണാ ജോര്ജ്. മഞ്ചേരി മെഡിക്കല് കോളേജില് നടത്തിയ പരിശോധനയിലാണ് പോസിറ്റീവാണെന്ന് കണ്ടെത്തിയത്. ഉടന് തന്നെ സമ്പര്ക്കത്തിലുള്ളവരെ കണ്ടെത്താനുള്ള കോണ്ടാക്ട് ട്രേസിംഗ് ആരംഭിച്ചു. ഈ വ്യക്തിയുടെ സമ്പര്ക്...
