ദേശീയപാതയിൽ യൂണിവേഴ്സിറ്റി, കോഹിനൂർ,വെളിമുക്ക്, കൊളപ്പുറം, രണ്ടത്താണി എന്നിവിടങ്ങളിൽ നടപ്പാലം നിർമിക്കുന്നു
തിരൂരങ്ങാടി : ജില്ലയിൽ ദേശീയ പാതയിൽ അഞ്ചിടങ്ങളിൽ നടപ്പാലം നിർമിക്കാൻ അനുമതിയായി. രാമനാട്ടുകര-വളാഞ്ചേരി റീച്ചിലെ യൂണിവേഴ്സിറ്റി, കോഹിനൂർ, വെളിമുക്ക്, കൊളപ്പുറം, രണ്ടത്താണി എന്നിവിടങ്ങളിൽ ഫുട്ട് ഓവർ ബ്രിഡ്ജ് നിർമിക്കാനാണ് ദേശീയപാത അതോറിറ്റി അനുവദിച്ചിരിക്കുന്നത്. 12 കോടി രൂപയാണ്നിർമാണ ചെലവ്. റോഡിന്റെ ഇരു ഭാഗത്തേക്ക് 45 മീറ്റർ നീളത്തിൽ നിർമിക്കുന്ന ഫൂട്ട് ഓവർ ബ്രിജിന് 5.8 മീറ്റർ ഉയരമുണ്ടാകും. പാലത്തിന് 3 മീറ്റർ വീതിയാണ് ഉണ്ടാകുക. വീൽചെയർ കയറ്റാനുള്ള സൗകര്യവും ഒരുക്കും. കൈവരി, ഗോവണി എന്നിവയുണ്ടാകും. ദേശീയപാത വികസനം വന്നതോടെ പല പ്രദേശങ്ങളും രണ്ടായി വിഭജിച്ചിരിക്കുകയാണ്, നാട്ടുകാരുടെയും ജന പ്രതിനിധികളുടെ ആവശ്യവും സ്ഥല ലഭ്യതയും കണക്കിലെടുത്താണ് ഫൂട്ട് ഓവർ ബ്രിജ് അനുവദിച്ചത്. രണ്ടാം ഘട്ടത്തിൽ വളാഞ്ചേരി - കാപ്പിരിക്കാട് റീച്ചിലെ പൊന്നാനി ഉറുമ്പ് നഗർ, എം ഐ ഗേൾസ് ഹൈസ്കൂൾ, തവനൂർ മദിരശ്ശേരി പ്രദേശങ്...
