മുറിച്ചു മാറ്റാൻ നഗരസഭകൗൺസിലർ സെക്രട്ടറിക്ക് കത്ത് നൽകി.
തിരൂരങ്ങാടി: മമ്പുറം സ്റ്റോപ്പിലെ ഭീമൻ ചീനി മരം അപകടാവസ്ഥയിൽ. മരം ചെരിഞ്ഞ് പൊട്ടിപ്പൊളിഞ്ഞു. ചെമ്മാട് – കക്കാട് സംസ്ഥാന പാതയിൽ മമ്പുറം പുതിയ പാലത്തിന് സമീപമുള്ള പഴക്കം ചെന്ന ചീനി മരമാണ് അപകടാവസ്ഥയിൽ ഉള്ളത്. പടർന്നുപന്തലിച്ചു നിൽക്കുന്ന മരം ഒരു ഭാഗത്തേ ക്ക് ചെരിഞ്ഞിട്ടുണ്ട്. ഓരോ ദിവസവും മരം കൂടുതൽ ചെരിഞ്ഞു വരികയാണെന്ന് സമീപത്തെ കച്ചവടക്കാർ പറയുന്നു. മരം പെരിയുന്നത് പ്രകാരം റോഡ് പൊട്ടി പൊളിഞ്ഞു വരികയാണ്.
തൊട്ടടുത്താണ് ബസ് കാത്തിരിപ്പ് കേന്ദ്രവും കച്ചവട സ്ഥാപനവും ഉള്ളത്. മമ്പുറം മഖാമിലേക്കുള്ള ബസ്റ്റോപ്പും ഇംഗ്ഷനും സമീപത്ത് തന്നെ വിദ്യാഭ്യാസ സ്ഥാപനങ്ങളും ഉള്ളതിനാൽ ഇവിടെ ആളൊഴിഞ്ഞ സമയം ഉണ്ടാകാറില്ല. വിദ്യാർഥികളും തീർഥാടകരും നാട്ടുകാരുമടക്കം എപ്പോഴും ഇവിടെ ആളുകൾ ഉണ്ടാകാറുണ്ട്.
മരംഏത് സമയത്തും മറിഞ്ഞ് വീഴാൻ സാധ്യതയുള്ളതായി നാട്ടുകാർ പറയുന്നു. അങ്ങനെ സംഭവിച്ചാൽ ഉണ്ടാകുന്നു ദുർന്തം എന്തായിരിക്കുമെന്ന് പറഞ്ഞറിയിക്കാൻ കഴിയാത്തതായിരിക്കും. അപകടം സംഭവിക്കുന്നതിന് മുമ്പ് ഈ ചീനി മരം മുറിച്ചുമാറ്റണമെന്നാണ് നാട്ടുകാരുടെ ആവശ്യം. ഈ ആവശ്യം ഉന്നയിച്ച് തിരൂരങ്ങാടി നഗരസഭ ഒമ്പതാം ഡിവിഷൻകൗൺസിലർ എം എൻ നൗശാദ് നഗരസഭ സെക്രട്ടറിക്ക് കത്ത് നൽകിയിട്ടുണ്ട്.