കൊടിഞ്ഞി: സെപ്റ്റംബർ 17 ന്‌ കോഴിക്കോട് നടക്കുന്ന സേവ്‌ റിപബ്ലിക്
പോപുലർ ഫ്രണ്ട്‌ ജനമഹാ സമ്മേളനത്തിൻെറ പ്രചരണാർത്ഥം സംഘടിപ്പിച്ച
പോപുലർ ഫ്രണ്ട്‌ നന്നമ്പ്ര ഏരിയാ സമ്മേളനം ‘നാട്ടൊരുമ’ സമാപിച്ചു. സമ്മേളനത്തോടനുബന്ധിച്ച്‌ വിവിധ മൽസരങ്ങൾ അരങ്ങേറി.
കൊടിഞ്ഞിയിൽ നടന്ന വടംവലി മൽസരം ജനപങ്കാളിത്തം കൊണ്ട്‌ ശ്രദ്ധേയമായി.
മെഹന്തി ഫെസ്റ്റ്‌, ഫുട്‌ബോൾ ടൂർണമെന്റ് മൽസരങ്ങൾ നടന്നു. പൊതുസമ്മേളനത്തിന്‌ തുടക്കം കുറിച്ച് ഏരിയാ പ്രസിഡന്റ് റഫീഖ് തെയ്യാല പതാക ഉയർത്തി.
ഏരിയാ പ്രസിഡന്റ് റഫീഖ് തെയ്യാല അദ്ധ്യക്ഷത വഹിച്ചു.
പൊതുസമ്മേളനം
പോപുലർ ഫ്രണ്ട്‌ സംസ്ഥാന ജനറൽ സെക്രട്ടറി എ.സത്താർ ഉദ്ഘാടനം ചെയ്തു.
പോപുലർ ഫ്രണ്ട്‌ മലപ്പുറം നോർത്ത് ജില്ലാ സെക്രട്ടറി മജീദ് കുന്നുംപുറം, കാംപസ് ഫ്രണ്ട്‌ ജില്ലാ പ്രസിഡന്റ് ശുഹൈബ്‌ ഒഴൂർ, എസ്‌ ഡി പി ഐ മണ്ഡലം പ്രസിഡന്റ് ഹമീദ് പരപ്പനങ്ങാടി, പോപുലർ ഫ്രണ്ട്‌ കോഴിച്ചന ഡിവിഷൻ പ്രസിഡന്റ് സുലൈമാൻ കുണ്ടൂർ എന്നിവർ സംസാരിച്ചു. തുടർന്ന് ഇന്ത്യൻ സ്വതന്ത്ര സമരവും ഇന്ത്യൻ മുസ്ലിങ്ങളും എന്ന വിഷയത്തിൽ പ്രശസ്ത ഗായകനും യൂട്യൂബറുമായ
യാസർ പൂക്കോട്ടുംപാടം അവതരിപ്പിച്ച പാടിപ്പറയൽ അരങ്ങേറി. വിവിധ മൽസരങ്ങളിൽ പങ്കെടുത്തടീമുകൾക്കുളള ട്രോഫികൾ സംസ്ഥാന ജനറൽസെക്രട്ടറി നൽകി. ഏരിയാ സെക്രട്ടറി ഗദ്ദാഫി കൊടിഞ്ഞി സ്വാഗതവും,
ബഷീർ കല്ലത്താണി നന്ദിയും പറഞ്ഞു.