കേരളത്തിലെ ആരോഗ്യ-വിദ്യാഭ്യാസ മേഖല ലോകത്തിന് മാതൃക: മന്ത്രി സജി ചെറിയാന്
താനൂര് : കേരളത്തിലെ ആരോഗ്യ- വിദ്യാഭ്യാസ മേഖല ലോകത്തിന് തന്നെ മാതൃകയാണെന്ന് ഫിഷറീസ്- സാംസ്കാരിക വകുപ്പ് മന്ത്രി സജി ചെറിയാന് പറഞ്ഞു. താനൂര് സാമൂഹികാരോഗ്യ കേന്ദ്രത്തില് നിര്മിക്കുന്ന ഡയാലിസിസ് സെന്ററിന്റെ ശിലാസ്ഥാപനം നിര്വഹിച്ച് സംസാരിക്കുകയായിരുന്നു അദ്ദേഹം. മികച്ച ചികിത്സ ലഭിക്കുന്ന സംസ്ഥാനമായി കേരളം മാറി. പ്രാഥമികാരോഗ്യകേന്ദ്രം മുതല് മെഡിക്കല് കോളേജ് വരെ ആ മാറ്റം കാണുന്നുണ്ട്. ഫിഷറീസ് വകുപ്പിന്റെ നേതൃത്വത്തില് നടക്കുന്ന വികസന പ്രവര്ത്തനങ്ങളില് വലിയൊരു ശതമാനം താനൂര് നിയോജക മണ്ഡലത്തിലാണെന്നും എല്ലാ മേഖലകളിലും അഭിമാനാര്ഹമായ നേട്ടം കൈവരിക്കാന് താനൂരിന് കഴിഞ്ഞിട്ടുണ്ടെന്നും മന്ത്രി കൂട്ടിച്ചേര്ത്തു.
പരിപാടിയില് കായിക-ന്യൂനപക്ഷ ക്ഷേമ വകുപ്പ് മന്ത്രി വി അബ്ദുറഹിമാന് അധ്യക്ഷത വഹിച്ചു. തീരദേശ വികസന കോര്പ്പറേഷന് ജനറല് മാനേജര് ബേബി ഷീജ കോഹൂര് റിപ്പോര്ട്ട് അവതരിപ്പിച്ചു...
