പ്രളയത്തിൽ നഷ്ടമായ സര്ട്ടിഫിക്കറ്റുകള് കാലിക്കറ്റ് സര്വകലാശാല ഫീസില്ലാതെ നല്കും ; ചെയ്യേണ്ടത് ഇത്രമാത്രം
പ്രളയദുരന്തത്തില്പ്പെട്ട് സര്ട്ടിഫിക്കറ്റുകളും മാര്ക്ക് ലിസ്റ്റുകളുമെല്ലാം നഷ്ടമായവര്ക്ക് ഫീസും നടപടിക്രമങ്ങളും ഒഴിവാക്കി ഡ്യൂപ്ലിക്കേറ്റ് നല്കാന് കാലിക്കറ്റ് സര്വകലാശാലാ സിന്ഡിക്കേറ്റ് തീരുമാനം. വയനാട്ടിലെ പ്രളയത്തിന്റെ പശ്ചാത്തലത്തിലാണ് നടപടി. റവന്യൂ അധികൃതരുടെ സാക്ഷ്യപ്പെടുത്തലിന്റെ അടിസ്ഥാനത്തിലാകും ഇവ നല്കുക. 2018-ലെ പ്രളയത്തിലും സര്ക്കാര് നിര്ദേശപ്രകാരം ഇതേ ഇളവ് നല്കിയിരുന്നു. പ്രളയ ദുരന്തത്തിൽ മരിച്ചവർക്കും മുൻ സിന്ഡിക്കേറ്റംഗം ഡോ. പി. വിജയരാഘവന്റെ നിര്യണത്തിലും യോഗം അനുശോചനം രേഖപ്പെടുത്തി. വൈസ് ചാന്സലര് ഡോ. പി. രവീന്ദ്രന് അധ്യക്ഷനായി.
പ്രധാന തീരുമാനങ്ങള്
കാലാവസ്ഥാ നിരീക്ഷണ - പരീക്ഷണത്തിനാവശ്യമായ റഡാര് സ്റ്റേഷന് സ്ഥാപിക്കുന്നതിന് എന്.സി.സി. ആസ്ഥാനത്തിന് സമീപം ഭൂമി ലഭ്യമാക്കാന് തീരുമാനിച്ചു. മലപ്പുറം ജില്ലാഭരണകൂടത്തിന്റെ അഭ്യര്ഥന മാനിച്ച് സിന്ഡിക്കേറ്റ്...
