മഴ, മനം കുളിര്ക്കെ മഴ ;പെയ്തിറങ്ങിയത് 2 മണിക്കൂറോളം
തിരുവല്ല : ഏപ്രില് അവസാനമായിട്ടും മാറി നിന്ന മഴ പെയ്തിറങ്ങിയത് 2 മണിക്കൂറോളം. തിരുവല്ല- മല്ലപ്പള്ളി താലൂക്കില് ഇന്നലെ വൈകിട്ട്. 5.10ന് തുടങ്ങിയ മഴ രാത്രിയായിട്ടും തുള്ളി വിട്ടുകൊണ്ടിരുന്നു. മല്ലപ്പള്ളി താലൂക്കിലെ കുന്നന്താനത്ത് 7 സെന്റി മീറ്റര് മഴ ലഭിച്ചു. കനത്ത മഴയാണ് ഇവിടെ ഉണ്ടായത്. തിരുവല്ല താലൂക്കിന്റെ വിവിധ ഭാഗങ്ങളില് 5.9 സെന്റീമീറ്റര് മഴ രേഖപ്പെടുത്തി.40 ഡിഗ്രി എത്തിയ ചൂടുമൂലം തെങ്ങിന് തൈകള് ഉള്പ്പെടെ വാടിക്കരിഞ്ഞിരുന്നു.
പത്താമുദയം കഴിഞ്ഞിട്ടും തൈകള് വയ്ക്കാന് കഴിഞ്ഞിരുന്നുമില്ല. ഇന്നലെ എത്തിയ മഴയോടെ കര്ഷകര്ക്ക് തെല്ല് ആശ്വാസമായി. വറ്റി വരണ്ട കിണറുകളിലും ജലാശയങ്ങളിലും അല്പം വെള്ളം ലഭ്യമായിട്ടുണ്ട്. 2 മൂന്ന് ദിവസങ്ങള് കൂടി വേനല്മഴ ലഭ്യമായാല് ജലക്ഷാമത്തിന് ഒരു പരിധിവരെ പരിഹാരമാകും.
എന്നാല് തുടര്ച്ചയായി വേനല്മഴ ഉണ്ടായാല് അപ്പര്കുട്ടനാടന് കര്ഷകര്ക്ക് അത് ദു...
