പുഴയിൽ ഒഴുക്കിൽ പെട്ടയാളെ കിട്ടിയില്ല, ഇന്ന് തിരച്ചിൽ തുടരും
തിരൂരങ്ങാടി: കുളിക്കുന്നതിനിടെ പുഴയിൽ ഒഴുക്കിൽ പെട്ട് കാണാതായ ആളെ ഇതു വരെ കണ്ടെത്താനായില്ല.പുതുപ്പറമ്പ് കാരാട്ടങ്ങാടി സ്വദേശി പയ്യനാട് മുഹമ്മദലി (44) യെയാണ് കാണാതായത്. ഇന്നലെ വൈകുന്നേരം വെന്നിയൂർ പെരുമ്പുഴയിൽ ആണ് സംഭവം. നീന്തുന്നതിനിടെ പുഴയിൽ ഒഴുക്കിൽ പെടുകയായിരുന്നു. ഓപ്പമുണ്ടായിരുന്നവർ രക്ഷപ്പെടുത്താൻ ശ്രമിച്ചെങ്കിലും സാധിച്ചില്ല. നാട്ടുകാരും ഫയർ ഫോഴ്സും ട്രോമ കെയർ പ്രവർത്തകരും മണിക്കൂറുകളോളം തിരച്ചിൽ നടത്തിയെങ്കിലും കണ്ടെത്താനായില്ല. ഇതേ തുടർന്ന് രാത്രി 10 മണിയോടെ
തിരച്ചിൽ അവസാനിപ്പിച്ചിരുന്നു. ഒഴുക്കും മഴയും ഇരുട്ടും തിരച്ചിലിന് പ്രയാസം ഉണ്ടാക്കിയിരുന്നു. ഇന്ന് തിരച്ചിൽ പുനരാരംഭിക്കും....
