ആചാരങ്ങള് ലംഘിച്ച് വിവാഹം കഴിച്ചു ; ദമ്പതികളെ നുകത്തില് കെട്ടി നിലം ഉഴുകിപ്പിച്ച് നാട്ടുകാര്, പിന്നാലെ ചാട്ടവാറിനടിച്ച് നാടുകടത്തി
ഭുവനേശ്വര്: ഒഡീഷയിലെ റായഗഡ ജില്ലയില് ആചാരങ്ങള് ലംഘിച്ച് വിവാഹം കഴിച്ചെന്ന് ആരോപിച്ച് യുവ ദമ്പതികളെ നുകത്തില് കെട്ടി കാളകളെപ്പോലെ നിലം ഉഴുകിപ്പിച്ച് പ്രദേശവാസികള്. ഇരുവരെയും ചാട്ടവാറിനടിച്ച് നാടുകടത്തുകയും ചെയ്തു. ഇവരുടെ കുടുംബത്തിനും വിലക്കേര്പ്പെടുത്തി. യുവാവിനെയും യുവതിയെയും വയലില് നുകത്തില് കെട്ടി നിലം ഉഴുകിപ്പിക്കുന്ന വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്.
കാഞ്ചമഞ്ചിര ഗ്രാമത്തില് നിന്നുളള യുവാവും യുവതിയും പ്രണയത്തിലായിരുന്നു. അടുത്തിടെ ഇരുവരും വിവാഹിതരാവുകയും ചെയ്തു. എന്നാല് യുവാവ് യുവതിയുടെ പിതൃസഹോദരിയുടെ മകനായതിനാല് ചില ഗ്രാമവാസികള് വിവാഹത്തിന് എതിരായിരുന്നു. ആചാരമനുസരിച്ച് പിതൃസഹോദരിയുടെ മകനെ വിവാഹം ചെയ്യുന്നത് നിഷിദ്ധമായാണ് ഗ്രാമീണര് കണക്കാക്കുന്നത്. നാട്ടുകാരുടെ എതിര്പ്പിനെ മറികടന്നാണ് ഇവര് വിവാഹം കഴിച്ചത്.
വലിയൊരു ജനക്കൂട്ടം അവരെ നുകത്തില് കെട്ടി വയലി...
