കുറ്റകൃത്യം ചെയ്തതിന് രക്ഷിതാക്കള് ജയിലിലായി, ഒറ്റപ്പെട്ടുപോയ ബംഗാളി ബാലനെ സ്വദേശത്തെത്തിച്ച് ചൈല്ഡ് പ്രൊട്ടക്ഷന് യൂണിറ്റ്
മലപ്പുറം : പ്രത്യേക സംരക്ഷണവും പരിചരണവും ആവശ്യമുള്ള ആറു വയസ്സുകാരനെ സ്വദേശമായ വെസ്റ്റ് ബംഗാള് പുര്ബ മെഡിനിപ്പൂര് ജില്ലയില് എത്തിച്ച് മലപ്പുറം ജില്ലാ ചൈല്ഡ് പ്രൊട്ടക്ഷന് യൂണിറ്റ്. ചൈല്ഡ് വെല്ഫെയര് കമ്മിറ്റി ഉത്തരവിന്റെ അടിസ്ഥാനത്തിലാണ് ജില്ലാ ചൈല്ഡ് പ്രൊട്ടക്ഷന് യൂണിറ്റിലെ ഉദ്യോഗസ്ഥര് ബാലനെ സ്വദേശത്ത് എത്തിച്ചത്.
പെരിന്തല്മണ്ണയില് നടന്ന ഒരു കുറ്റകൃത്യവുമായി ബന്ധപ്പെട്ട് കുട്ടിയുടെ രക്ഷിതാക്കളെ പൊലീസ് പിടികൂടി കേരളത്തില് എത്തിക്കുമ്പോള് കുട്ടിയും കൂടെയുണ്ടായിരുന്നു. കുട്ടിയെ പിന്നീട് ചൈല്ഡ് വെല്ഫെയര് കമ്മിറ്റി ഉത്തരവോടു കൂടി ഗവണ്മെന്റ് ചില്ഡ്രന്സ് ഹോമിലേക്ക് മാറ്റുകയുമായിരുന്നു. രക്ഷിതാക്കളില് നിന്നും കുടുംബത്തില് നിന്നും ഒറ്റപ്പെട്ട കുട്ടി വളരെയധികം മാനസിക സംഘര്ഷത്തിലായിരുന്നു കുട്ടി. തലസീമിയ അസുഖബാധിതനായ ബാലന് പുര്ബ മെഡിനിപ്പൂര് ജില്ലയിലെ തലസമിയ മെഡിക്കല്...
