ഇന്ത്യന് സ്പിന് ബൗളിംഗിലെ തലവര മാറ്റി മറിച്ച ക്രിക്കറ്റ് ഇതിഹാസം ബിഷന് സിംഗ് ബേദി അന്തരിച്ചു
ഇന്ത്യന് ക്രിക്കറ്റ് ഇതിഹാസം ബിഷന് സിംഗ് ബേദി (77) അന്തരിച്ചു. 22 മത്സരങ്ങളില് ഇന്ത്യയെ നയിച്ച താരമാണ് ബിഷന് സിംഗ് ബേദി. ഇടങ്കയ്യന് സ്പിന്നറായ ബേദി 1946 സെപ്തംബര് 25ന് അമൃത്സറിലാണ് ജനിച്ചത്. 1966ല് അദ്ദേഹം തന്റെ ആദ്യ അന്താരാഷ്ട്ര മത്സരം കളിച്ചു. 1979 വരെ ഇന്ത്യക്ക് വേണ്ടി ബേദി കളിച്ചു. ഇക്കാലയളില് ഇന്ത്യന് ജേഴ്സിയില് 67 ടെസ്റ്റുകള് കളിച്ച ഇതിഹാസ സ്പിന്നര് 266 വിക്കറ്റുകള് വീഴ്ത്തി. പത്ത് ഏകദിനങ്ങളില് ഏഴ് വിക്കറ്റും സ്വന്തമാക്കി. എറാപ്പള്ളി പ്രസന്ന, ബി എസ് ചന്ദ്രശേഖര്, എസ് വെങ്കിട്ടരാഘവന് എന്നിവര്ക്കൊപ്പം ഇന്ത്യന് സ്പിന് വകുപ്പിന്റെ തലവരമാറ്റിയ താരമാണ് ബേദി.
ഏകദിന ക്രിക്കറ്റില് ഇന്ത്യയുടെ ആദ്യവിജയത്തില് നിര്ണായക പങ്കുവഹിച്ചിരുന്നു. 1975ലെ പ്രഥമ ഏകദിന ലോകകപ്പിലായിരുന്നു അത്. ഈസ്റ്റ് ആഫ്രിക്കക്കെതിരെ 12 ഓവറില് 8 മെയ്ഡനടക്കം 6 റണ്സ് മാത്രം വഴങ്ങി ഒരു വിക്കറ്റെടുത്തു....
