റേഷന് വിതരണത്തില് ഗുരുതര ക്രമക്കേട്: കടയുടെ അംഗീകാരം സസ്പെന്റ് ചെയ്തു
മലപ്പുറം : റേഷന് വിതരണത്തില് ക്രമക്കേട് കണ്ടെത്തിയതിനെ തുടര്ന്ന് റേഷന്കടയുടെ അംഗീകാരം സസ്പെന്റ് ചെയ്തു. എടവണ്ണ ഗ്രാമപഞ്ചായത്തിലെ 254-ാം നമ്പര് റേഷന്കടയുടെ അംഗീകാരമാണ് ഏറനാട് താലൂക്ക് സപ്ലൈ ഓഫീസര് സസ്പെന്റ് ചെയ്തത്. ഡിസംബര് മാസത്തെ റേഷന് ലഭ്യമായില്ലെന്ന റേഷന് കാര്ഡുടമയുടെ പരാതിയെത്തുടര്ന്ന് നടത്തിയ പരിശോധനയിലാണ് നടപടി.
റേഷനിങ് ഇന്സ്പെക്ടര് മുഖേന നടത്തിയ അന്വേഷണത്തില് പരാതിക്കാരന്റെ കാര്ഡിലെ ഭക്ഷ്യധാന്യങ്ങള് 254-ാം നമ്പര് കടയില് നിന്നും മാന്വലായി ബില്ലിങ് നടത്തി വിതരണം നടത്തിയിട്ടുണ്ടെന്നും 2023 ഒക്ടോബര്, നവംബര് മാസങ്ങളിലും ഇത്തരത്തില് മാന്വല് ബില്ലിങ് നടത്തിയിട്ടുണ്ടെന്നും ബോധ്യപ്പെട്ടു. എന്നാല് ഈ മാസങ്ങളില് ഒന്നും തന്നെ 254-ാം നമ്പര് റേഷന് കടയില് പോകുകയോ, തനിക്ക് റേഷന് വിഹിതം ലഭ്യമാവുകയോ ചെയ്തിട്ടില്ലെന്ന് കാര്ഡുടമ അധികൃതരെ അറിയിച്ചിരുന്നു. തുടര്ന്ന് നടത്...
