നിയന്ത്രണം ഇന്ന് അർധരാത്രി മുതൽ, യാത്രകൾക്ക് സത്യവാങ്മൂലം വേണം
സംസ്ഥാനത്ത് ഞായറാഴ്ച ഏര്പ്പെടുത്തിയിരിക്കുന്ന ലോക്ഡൗണ് സമാന നിയന്ത്രണങ്ങള് ഇന്ന് അര്ധരാത്രി നിലവില് വരും. അത്യാവശ്യയാത്രകള് അനുവദിക്കുമെങ്കിലും കൃത്യമായ രേഖകളും സത്യവാങ്മൂലവും കയ്യില് കരുതണം. ഇല്ലെങ്കില് കേസെടുക്കുമെന്ന് പൊലീസ് അറിയിച്ചു. കെഎസ്ആര്ടിസിയും അത്യാവശ്യ സര്വീസുകള് മാത്രമേ നടത്തൂ. ഹോട്ടലുകളും അവശ്യവിഭാഗത്തില്പെട്ട സ്ഥാപനങ്ങളും രാവിലെ 7 മുതല് രാത്രി 9 വരെ നിയന്ത്രണങ്ങളോടെ പ്രവര്ത്തിക്കാം.
∙ കോവിഡ് പ്രതിരോധവുമായി ബന്ധപ്പെട്ടതും അവശ്യവിഭാഗത്തിലുള്പ്പെട്ടതുമായ കേന്ദ്ര–സംസ്ഥാന, അര്ധസര്ക്കാര് സ്ഥാപനങ്ങള്, 24 മണിക്കൂറും പ്രവര്ത്തിക്കുന്ന വ്യവസായ സ്ഥാപനങ്ങള്, മെഡിക്കല് സ്റ്റോറുകളടക്കമുള്ള ആരോഗ്യസ്ഥാപനങ്ങള്, ടെലികോം–ഇന്റര്നെറ്റ് കമ്പനികള് എന്നിവയ്ക്കു നിയന്ത്രണം ബാധകമല്ല. മാധ്യമസ്ഥാപനങ്ങൾ, ആംബുലൻസുകൾ എന്നീ സേവനങ്ങൾക്കും തടസ്സമില്ല. തുറന്ന് പ്രവര്ത്തി...
