ഓപ്പറേഷന് പി ഹണ്ട് ; 16 കേസുകള് രജിസ്റ്റര് ചെയ്തു
തിരുവനന്തപുരം : ഓപ്പറേഷന് പി ഹണ്ടില് 16 കേസുകള് രജിസ്റ്റര് ചെയ്തു. കുട്ടികളുടെ നഗ്നചിത്രങ്ങളും ദൃശ്യങ്ങളും ഇന്റര്നെറ്റില് തിരയുകയും ഡൗണ്ലോഡ് ചെയ്യുകയും ശേഖരിക്കുകയും ചെയ്യുന്നവരെ കണ്ടെത്താനായാണ് സൈബര് ഡിവിഷന്റെ നേതൃത്വത്തില് സംസ്ഥാന വ്യാപകമായി പരിശോധന നടത്തിയത്. പരിശോധനയെത്തുടര്ന്ന് 16 കേസ്സുകളാണ് രജിസ്റ്റര് ചെയ്തത്. സ്മാര്ട്ട് ഫോണുകള് ഉള്പ്പെടെ 57 ഡിജിറ്റല് ഉപകരണങ്ങള് പിടിച്ചെടുത്തിട്ടുണ്ട്.
ഓപ്പറേഷന് പി ഹണ്ട് 24.1 എന്ന പേരില് മെയ് 12 ന് രാവിലെ ഏഴു മണിക്കാണ് സംസ്ഥാനവ്യാപകമായി പരിശോധന ആരംഭിച്ചത്. സൈബര് ഡിവിഷനിലെ പോലീസ് ഉദ്യോഗസ്ഥരെ കൂടാതെ വിവിധ ജില്ലാ പോലീസ് മേധാവിമാരുടെ നേതൃത്വത്തിലുള്ള പോലീസ് സംഘങ്ങളും പരിശോധനയില് പങ്കെടുത്തു....
