ഇശൽ പെയ്തിറങ്ങി ‘മെഹ്ഫില് 2026’: സംസ്ഥാന തലത്തിൽ കോളേജ് വിദ്യാർത്ഥികൾക്കായി മാപ്പിളപ്പാട്ട് മത്സരം സംഘടിപ്പിച്ച് കുണ്ടൂർ പിഎംഎസ്ടി കോളേജ്
കുണ്ടൂര്: പി.എം.എസ്.ടി ആര്ട്സ് ആന്റ് സയന്സ് കോളേജും കൊണ്ടോട്ടി മഹാകവി മോയിന്കുട്ടി വൈദ്യര് മാപ്പിള കലാ അക്കാദമിയും സംയുക്തമായി ഇന്റര് കോളേജിയേറ്റ് മാപ്പിളപ്പാട്ട് മത്സരം, 'മെഹ്ഫില് 2026' സംഘടിപ്പിച്ചു. മെഹ്ഫില് മാപ്പിളപ്പാട്ട് മത്സരത്തിൻ്റെ നാലാമത് എഡിഷൻ പ്രമുഖ മാപ്പിളപ്പാട്ട് ഗവേഷകനും ഗായകനുമായ ഫൈസല് എളേറ്റില് ഉദ്ഘാടനം ചെയ്തു. പി.എം.എസ്.ടി കോളേജ് ഐ.ക്യു.എ.സി സെല്ലും കോളേജ് യൂണിയനും സംയുക്തമായി സംഘടിപ്പിച്ച പരിപാടിയില് പ്രിന്സിപ്പാള് പ്രൊഫസര് കെ. ഇബ്രാഹിം അധ്യക്ഷത വഹിച്ചു. മാപ്പിള കലാരംഗത്തെ പ്രമുഖരായ അബ്ബാസ് കൊണ്ടോട്ടി, റഷീദ് മോങ്ങം എന്നിവർ മുഖ്യ പ്രഭാഷണം നടത്തി.
സംസ്ഥാനത്തെ 24 കോളേജുകളില് നിന്നായി 34 വിദ്യാര്ത്ഥികളാണ് മത്സരത്തില് മാറ്റുരച്ചത്. ആൺകുട്ടികൾക്കും പെൺകുട്ടികൾക്കും പ്രത്യേകമായാണ് മത്സരം നടത്തിയത്. പെൺകുട്ടികളുടെ വിഭാഗത്തിൽകോഴിക്കോട് ഫാറൂഖ് കോളേജ് വിദ്യാർത...
