സിനിമയില്‍ നായികയാക്കാമെന്ന് വാഗ്ദാനം ചെയ്ത് യുവ നടിയില്‍ നിന്ന് ലക്ഷങ്ങള്‍ തട്ടി ; മലപ്പുറം സ്വദേശിയായ നിര്‍മാതാവ് അറസ്റ്റില്‍
കൊച്ചി : താന്‍ നിര്‍മിക്കുന്ന സിനിമയില്‍ നായികയാക്കാമെന്ന് വാഗ്ദാനം ചെയ്ത് യുവ നടിയില്‍ നിന്ന് ലക്ഷങ്ങള്‍ തട്ടിയെടുത്ത മലപ്പുറം സ്വദേശിയായ സിനിമ നിര്‍മാതാവ് അറസ്റ്റില്‍. തൃക്കാക്കര സ്വദേശിയായ യുവനടിയില്‍ നിന്ന് 27 ലക്ഷം തട്ടിയ മലപ്പുറം കീഴുപറമ്പ് സ്വദേശി എം.കെ ഷക്കീറിനെയാണ് പാലാരിവട്ടം പോലീസ് അറസ്റ്റ് ചെയ്തത്.
ഷക്കീര്‍ നിര്‍മിക്കുന്ന പുതിയ തമിഴ് സിനിമയായ രാവണാസുരനില്‍ നായികയാക്കാം എന്ന വാഗ്ദാനം നല്‍കി യുവനടിയില്‍ നിന്ന് കടമായി പണം കൈപ്പറ്റിയ ശേഷം തിരിച്ചു നല്‍കാതെ പറ്റിക്കുകയായിരുന്നു. ഷൂട്ടിങ് ആരംഭിച്ച് കുറച്ച് ദിവസങ്ങള്‍ക്ക് ശേഷം സാമ്പത്തിക ബുദ്ധിമുട്ടുണ്ടെന്നും ഇതിനാല്‍ ചിത്രീകരണം മുടങ്ങുമെന്നും ഇയാള്‍ നടിയെ പറഞ്ഞു വിശ്വസിപ്പിച്ചു.
തുടര്‍ന്ന് ഷൂട്ടിങ് മുടങ്ങാതിരിക്കാന്‍ 4 മാസത്തിനുള്ളില്‍ തിരികെ നല്‍കാമെന്ന കരാറില്‍ പലപ്പോഴായി 27 ലക്ഷം രൂപ യുവതി ഇയാള്‍ക്ക് നല്‍കി. പിന്നീട് ഇവരെ സി...
