സ്ത്രീകള്ക്ക് നേരെയുള്ള അതിക്രമങ്ങള് : ജാഗ്രതാ സമിതികളുടെ പ്രവര്ത്തനം ഊര്ജിതമാക്കും: വനിതാ കമ്മിഷന്
സംസ്ഥാനത്ത് സ്ത്രീകള്ക്ക് നേരെയുള്ള അതിക്രമങ്ങള് തടയുന്നതിന് തദ്ദേശ സ്ഥാപന തലത്തിലുള്ള ജാഗ്രതാ സമിതികളുടെ പ്രവര്ത്തനം ഊര്ജിതമാക്കുമെന്ന് വനിത കമ്മിഷന് അംഗം അഡ്വ. ഇന്ദിര രവീന്ദ്രന് പറഞ്ഞു. കൊല്ലം സര്ക്കാര് ഗസ്റ്റ് ഹൗസില് നടത്തിയ ജില്ലാതല അദാലത്തില് പരാതികള് തീര്പ്പാക്കിയ ശേഷം സംസാരിക്കുകയായിരുന്നു വനിതാ കമ്മിഷന് അംഗം.
ജാഗ്രതാ സമിതികള്ക്കുള്ള പരിശീലനം വനിതാ കമ്മിഷന്റെ നേതൃത്വത്തില് നടത്തിവരുകയാണ്. തൊഴിലിടങ്ങളില് സ്ത്രീകള്ക്ക് നേരെ നടക്കുന്ന മാനസിക, ശാരീരിക പീഡനങ്ങള്ക്കെതിരെ ശക്തമായ നടപടി സ്വീകരിക്കാനുള്ള നിയമമുണ്ട്. കൃത്യമായി ജോലി ചെയ്യുന്ന സ്ത്രീകളെ പോലും മാനസിക പീഡനത്തിന് ഇരയാക്കുകയും ഒറ്റപ്പെടുത്തുകയും ചെയ്യുന്നതു സംബന്ധിച്ച് പരാതികള് ലഭിക്കുന്നുണ്ട്. തൊഴിലിടങ്ങളിലെ പ്രശ്നങ്ങള് അതത് സ്ഥാപനങ്ങളിലെ ഇന്റേണല് കമ്മിറ്റി പരിശോധിക്കണം.
പ്രായമായ അമ്മമാരെ മക്കള് സംരക്ഷ...



























