കെ-റെയില് തകര്ക്കാന് വി.ഡി.സതീശന് ഇതര സംസ്ഥാനങ്ങളിലെ ഐടി കമ്പനികളില് നിന്ന് നിന്ന് 150 കോടി കൈക്കൂലി വാങ്ങി ; ഗുരുതര ആരോപണവുമായി പിവി അന്വര്
തിരുവനന്തപുരം : പ്രതിപക്ഷ നേതാവ് വിഡി സതീശനെതിരെ ഗുരുതര ആരോപണവുമായി പിവി അന്വര് എംഎല്എ. കെ-റെയില് പദ്ധതി അട്ടിമറിക്കാന് ഇതര സംസ്ഥാനങ്ങളിലെ ഐടി കമ്പനികള് കോണ്ഗ്രസ് നേതാവ് വി.ഡി.സതീശന് 150 കോടിരൂപ കൈക്കൂലി നല്കിയതായി പി.വി.അന്വര് നിയമസഭയില് ആരോപിച്ചു. കെറെയില് ഇടതു സര്ക്കാരിന്റെ പ്രധാന പദ്ധതിയാണ്. പദ്ധതി നടപ്പിലായിരുന്നെങ്കില് കേരളം രാജ്യാന്തര നിലവാരത്തിലേക്ക് ഉയരുമായിരുന്നു. 5 വര്ഷം കൊണ്ട് 25 വര്ഷത്തെ പുരോഗതി ലഭിക്കുമായിരുന്നു. പദ്ധതി അട്ടിമറിക്കാന് വന് സാമ്പത്തിക ഗൂഢാലോചന നടന്നുവെന്നും അദ്ദേഹം പറഞ്ഞു.
ഭൂമിയുടെ ലഭ്യതക്കുറവാണ് കേരളത്തിലെ യാത്രാപ്രശ്നത്തിനു കാരണം. ഇതിനെ മറികടക്കാനാണ് സില്വര്ലൈന് പദ്ധതിയുമായി സര്ക്കാര് മുന്നോട്ടു പോയത്. ഒന്നാംഘട്ടത്തില് കാര്യമായ എതിര്പ്പ് പ്രതിപക്ഷം പ്രകടിപ്പിച്ചില്ല. ഭൂവുടമകള്ക്ക് നഷ്ടപരിഹാരം ലഭ്യമാക്കണമെന്ന ആവശ്യമാണ് അവര് ഉന്നയ...
