നാലാം ക്ലാസിലെ പാഠ പുസ്തകത്തില് നേതാജി സുഭാഷ് ചന്ദ്ര ബോസിനെക്കുറിച്ച് അപകീര്ത്തികരമായ പരാമര്ശം ; പിശകുകള് വരുത്തിയ പാഠപുസ്തക രചനാസമിതി അംഗങ്ങളെ ഡീ ബാര് ചെയ്യാന് നിര്ദ്ദേശം നല്കി വിദ്യാഭ്യാസ മന്ത്രി
തിരുവനന്തപുരം : നാലാം ക്ലാസിലെ പരിഷ്കരിച്ച പരിസര പഠനത്തില് സ്കൂള് അധ്യാപകര്ക്കുള്ള അധ്യയന സഹായി പുസ്തകത്തിന്റെ കരടില് നേതാജി സുഭാഷ് ചന്ദ്ര ബോസിനെക്കുറിച്ച് അപകീര്ത്തികരമായ പരാമര്ശം വന്നതില് കടുത്ത നടപടിയിലേക്ക് വിദ്യാഭ്യാസ വകുപ്പ്. പിശകുകള് വരുത്തിയ പാഠപുസ്തക രചനാസമിതി അംഗങ്ങളെ തുടര്ന്നുള്ള അക്കാദമിക പ്രവര്ത്തനങ്ങളില് നിന്നും ഡീബാര് ചെയ്യാന് എസ് സിഇആര്ടിയ്ക്ക് നിര്ദേശം നല്കിയതായി വിദ്യാഭ്യാസമന്ത്രി വി.ശിവന്കുട്ടി അറിയിച്ചു. ചരിത്രവസ്തുതകള് വളച്ചൊടിക്കുന്ന കേന്ദ്ര നയമല്ല കേരളത്തിന്റേത്. ഭരണഘടനാ ലക്ഷ്യങ്ങള് ഉയര്ത്തിപ്പിടിക്കുന്ന ചരിത്ര വസ്തുതകളെ യാഥാര്ത്ഥ്യബോധത്തോടെ കുട്ടികളിലെത്തിക്കുകയെന്ന നയമാണ് പാഠ്യ പദ്ധതി പരിഷ്കരണത്തില് കേരളം സ്വീകരിച്ചതെന്നും മന്ത്രി വ്യക്തമാക്കി.
നാലാം ക്ലാസിലെ പരിസര പഠനം പുസ്തകത്തിലെ പാഠങ്ങള് പഠിപ്പിക്കുന്നതിന് അധ്യാപകര്ക്കുള്ള മാര്ഗ ന...
