നിലമ്പൂര് ഉപതിരഞ്ഞെടുപ്പ്: സുരക്ഷയ്ക്ക് 1200 പൊലീസ് ഉദ്യോഗസ്ഥരും കേന്ദ്ര സേനയും
നിലമ്പൂര് ഉപതെരഞ്ഞെടുപ്പുമായി ബന്ധപ്പെട്ട് ജില്ലാ പോലീസ് മേധാവിയുടെ നേതൃത്വത്തില് മണ്ഡലത്തില് സുരക്ഷാ ക്രമീകരണങ്ങള് പൂര്ത്തിയായതായി ജില്ലാ പോലീസ് മേധാവി ആര്. വിശ്വനാഥ് വാര്ത്താ സമ്മേളനത്തില് അറിയിച്ചു. നിലമ്പൂര് മണ്ഡലത്തിന്റെ പരിധിയില് നിലമ്പൂര്, എടക്കര, വഴിക്കടവ്, പോത്തുകല്, പൂക്കോട്ടുപാടം എന്നീ അഞ്ച് പോലീസ് സ്റ്റേഷനുകളാണ് ഉള്പ്പെടുന്നത്.
ഇലക്ഷന് ഡ്യൂട്ടിക്കായി നിലമ്പൂര് പൊലീസ് സബ് ഡിവിഷനെ രണ്ട് സബ് ഡിവിഷനുകളായി തിരിച്ചു. നിലമ്പൂര്, പൂക്കോട്ടുപാടം എന്നീ പൊലീസ് സ്റ്റേഷനുകള് ഉള്പ്പെടുന്ന നിലമ്പൂര് ഇലക്ഷന് സബ് ഡിവിഷന് നിലമ്പൂര് ഡി.വൈ.എസ്.പി യുടെ കീഴിലും എടക്കര, വഴിക്കടവ,് പോത്തുകല് എന്നീ പൊലീസ് സ്റ്റേഷനുകള് എടക്കര ഇലക്ഷന് സബ് ഡിവിഷനാക്കി എടക്കര ഡി.വൈ.എസ്.പി യുടെ കീഴിലും ഉള്പ്പെടുത്തി പഴുതടച്ച സുരക്ഷാ ക്രമീകരണങ്ങളാണ് ജില്ലാ പൊലീസിന്റെ നേതൃത്വത്തില് ഏര്പ്പെടു...
