ഗ്രാമീണ തൊഴിലുറപ്പ് പദ്ധതിയെ ആധാര്‍ അധിഷ്ഠിതമാക്കിയ കേന്ദ്രസര്‍ക്കാര്‍ നടപടി പിന്‍വലിക്കണം ; സിപിഐഎം
ഗ്രാമീണ തൊഴിലുറപ്പ് പദ്ധതിയെ ആധാര്‍ അധിഷ്ഠിതമാക്കിയ കേന്ദ്രസര്‍ക്കാര്‍ നടപടി പിന്‍വലിക്കണമെന്ന് സിപിഐഎം. കേന്ദ്രസര്‍ക്കാറിന്റെ ഈ നടപടി രാജ്യത്തെ കോടിക്കണക്കായ ഗ്രാമീണ തൊഴിലാളികളോട് കേന്ദ്രം പുലര്‍ത്തുന്ന ശത്രുതാപരമായ സമീപനത്തിന്റെ ഏറ്റവും പ്രകടമായ ഉദാഹരണമാണെന്ന് പാര്‍ട്ടി പോളിറ്റ് ബ്യൂറോ പുറത്തിറക്കിയ പ്രസ്താവനയിലൂടെ പറഞ്ഞു.
തൊഴിലുറപ്പ് പദ്ധതിയുടെ വേതനവിതരണം ജനുവരി ഒന്ന് മുതല്‍ നിര്‍ബന്ധമായും ആധാര്‍ അധിഷ്ഠിതമാക്കിയിരിക്കയാണ്. കോടിക്കണക്കായ തൊഴിലാളികളുടെ നിയമപരമായ അവകാശമാണ് ഈ നടപടിയിലൂടെ സര്‍ക്കാര്‍ കവര്‍ന്നെടുക്കുന്നത്. നിയമപ്രകാരം ഏതൊരു ഗ്രാമീണ തൊഴിലാളിക്കും തൊഴില്‍ കാര്‍ഡിന് അവകാശമുണ്ട്. ഏതൊരു തൊഴില്‍ കാര്‍ഡുടമയ്ക്കും വര്‍ഷം കുറഞ്ഞത് 100 ദിവസത്തെ തൊഴിലിന് അവകാശമുണ്ട്. ആധാര്‍ അധിഷ്ഠിത വേതന വിതരണത്തിനായി തൊഴില്‍ കാര്‍ഡുടമയെ യോഗ്യര്‍, അയോഗ്യര്‍ എന്നിങ്ങനെ രണ്ടായി സര്‍ക്കാര്‍ തിരിച്ചിരിക്...
