മഴക്കെടുതിയുമായി ബന്ധപ്പെട്ട നാശനഷ്ടം; ഇന്ഷൂറന്സ് കമ്പനി നഷ്ടപരിഹാരം നല്കണമെന്ന് ജില്ലാ ഉപഭോക്തൃകമ്മീഷന്
മലപ്പുറം : വെള്ളപ്പൊക്കത്തെത്തുടര്ന്ന് ഇഷ്ടിക നിര്മാണശാലക്കുണ്ടായ നാശനഷ്ടത്തില് പരാതിക്കാരന് ഇന്ഷൂറന്സ് കമ്പനി 5,13,794 രൂപ നഷ്ടപരിഹാരം നല്കണമെന്ന് മലപ്പുറം ജില്ലാ ഉപഭോക്തൃകമ്മീഷന് വിധിച്ചു. 2019 ഓഗസ്റ്റ് മാസത്തിലുണ്ടായ വെള്ളപ്പൊക്കത്തില് പരാതിക്കാരുടെ നിലമ്പൂര് ചന്തക്കുന്നിലുള്ള ഇഷ്ടിക നിര്മാണശാലക്കുണ്ടായ വലിയ തോതിലുള്ള നാശനഷ്ടവുമായി ബന്ധപ്പെട്ട പരാതിയിലാണ് ഉത്തരവ്.
നിലമ്പൂര് കനറാബാങ്കില്നിന്നും തൊഴില്സംരംഭം എന്ന നിലയില് കടമെടുത്താണ് ചന്തക്കുന്ന് കറുകുത്തി വീട്ടിലെ അബൂബക്കറും വഴിക്കടവ് പൊന്നേത്ത് വീട്ടിലെ മുഹമ്മദ്കുട്ടിയും 25 സെന്റ് സ്ഥലം വാങ്ങി സ്ഥാപനം തുടങ്ങിയത്. ലോണെടുത്ത സമയത്ത് സ്ഥാപനം ഇന്ഷൂര് ചെയ്തിരുന്നു. 2019 ഓഗസ്റ്റ് 7, 8, 9, 10 തിയതികളില് ചാലിയാര് നിറഞ്ഞൊഴുകിയതിനെ തുടര്ന്ന് പരാതിക്കാരന്റെ സ്ഥാപനത്തിലെ ഇഷ്ടികയും മണലും ഉള്പ്പെടെയുള്ളവ നശിച്ചു. ഉടനെ ബാങ്കിനേ...
