ലോക് സഭാ തിരഞ്ഞെടുപ്പ്: ജില്ലയില് വീട്ടില് നിന്നും വോട്ട് രേഖപ്പെടുത്താന് 13,216 പേര്
മലപ്പുറം : തിരഞ്ഞെടുപ്പ് ഉദ്യോഗസ്ഥര് സമ്മതിദായകരുടെ വീട്ടിലെത്തി വോട്ട് രേഖപ്പെടുത്തുന്ന രീതിയായ ‘വീട്ടില് നിന്നും വോട്ട്’ (ഹോം വോട്ടിങ്) സേവനം ഉപയോഗപ്പെടുത്താന് മലപ്പുറം ജില്ലയില് നിന്നും 13,216 പേര്. ജില്ലയില് ഏപ്രില് 15 മുതല് 24 വരെയാണ് ‘വീട്ടില് നിന്നും വോട്ട്’ സേവനം ലഭ്യമാക്കുകയെന്നും ജില്ലാ തിരഞ്ഞെടുപ്പ് ഓഫീസര് കൂടിയായ ജില്ലാ കളക്ടര് വി.ആര് വിനോദ് അറിയിച്ചു. മുന്കൂട്ടി അപേക്ഷ നല്കിയ ഭിന്നശേഷിക്കാര്ക്കും 85 വയസ്സിന് മുകളില് പ്രായമുള്ളവര്ക്കുമാണ് വീട്ടില് നിന്നും വോട്ടിന് അവസരം ലഭിച്ചിട്ടുള്ളത്.
‘വീട്ടില് നിന്നും വോട്ട്’ പ്രക്രിയയ്ക്കായി ജില്ലയില് വിവിധ അസി. റിട്ടേണിങ് ഓഫീസര്മാരുടെ നേതൃത്വത്തില് പോളിങ് ഉദ്യോഗസ്ഥരടങ്ങുന്ന 156 ടീമുകളെ നിയോഗിച്ചിട്ടുണ്ട്. രണ്ട് പോളിങ് ഓഫീസര്മാര്, വീഡിയോഗ്രാഫര്, പൊലീസ് ഉദ്യോഗസ്ഥന് എന്നിവരുള്പ്പെടുന്നതാണ് ഒരു ടീം. ആവശ്യമെങ്കി...
